ព័ត៌មានអន្ដរជាតិ

តាមពិត NASA រកឃើញជីវិតលើភពអង្គារកាលពី ៥០ឆ្នាំមុន តែបំផ្លាញដោយអចេតនា

បានផុស

១ year មុន

នៅ

ថ្ងៃព្រហស្បតិ៍ ៣១ សីហា ២០២៣

ដោយ

លោក Dirk Schulz-Makuch អ្នកវិទ្យាសាស្ត្រមកពីសាកលវិទ្យាល័យបច្ចេកទេសទីក្រុងប៊ែកឡាំង ប្រទេសអាល្លឺម៉ង់ បានអះអាងនៅលើគេហទំព័រ BigThink កាលពីថ្ងៃអាទិត្យ ២៧ ខែសីហាថា រដ្ឋបាលអាកាសចរណ៍ និងអវកាសសហរដ្ឋអាមេរិក (NASA) ប្រហែលជាបានរកឃើញជីវិតនៅលើភពអង្គារកាលពីជិត ៥០ ឆ្នាំមុន ប៉ុន្តែបំផ្លាញវាដោយអចេតនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិទ្យាសាស្ត្របានពិពណ៌នាថា ត្រលប់ទៅឆ្នាំ១៩៧៦, NASA បានបញ្ជូនយានអវកាសពីរគឺ Viking 1 និង Viking 2 ទៅចុះចតដោយជោគជ័យលើភពអង្គារនៅថ្ងៃទី ២០ ខែកក្កដា និងថ្ងៃទី ០៣ ខែកញ្ញា។ នៅឆ្នាំនោះ យានអវកាសទាំងពីរនេះបានប្រមូលសំណាកដី ដើម្បីរកមើលថាមានជីវិតនៅលើភពនេះឬអត់។ ដោយការវាស់ស្ទង់ការបញ្ចេញកាបូនឌីអុកស៊ីតវិទ្យុសកម្មចេញពីគំរូនៃដីដែលលាយជាមួយនឹងដំណោះស្រាយសារធាតុចិញ្ចឹម។

ក្នុងនោះផងដែរ សំណាកដែលប្រមូលបានត្រូវរកឃើញថា មានដាននៃក្លរីនសរីរាង្គ។ បង្ហាញថាអាចនៅរស់ ប៉ុន្តែនៅពេលនោះ ផ្អែកតាមការបកស្រាយថា វាត្រូវបំពុលដោយជីវិតនៅលើផែនដី។ ប៉ុន្តែបន្ទាប់ពីយានអវកាសចំនួន ៨ ផ្សេងទៀតត្រូវបានបញ្ជូន ដូចជាយានអវកាស Phoenix និងយាន Curiosity ដើម្បីរុករកផ្ទៃភពព្រះអង្គារ បានចាប់ផ្តើមហើយបញ្ជាក់ថា អ្វីដែលយានអវកាស Viking បានប្រមូលកាលពី ៤៧ ឆ្នាំមុនអាចជាជីវិត។

ទោះយ៉ាងណាក៏ដោយ ចំពោះសកម្មភាពដែលអ្នកវិទ្យាសាស្ត្រនេះជឿថា NASA បានបំផ្លាញទម្រង់ជីវិតបែបនេះដោយអចេតនា នោះគឺដោយសារតែអ្នកវិទ្យាសាស្ត្រនៅសម័យនោះមិនមានការយល់ដឹងច្រើនអំពីបរិស្ថាននៅលើភពអង្គារ ហើយសន្មតថាគ្មានទម្រង់ជីវិតណាមួយនៅរស់៕