ព័ត៌មានអន្ដរជាតិ
លោក ប្រាយុទ្ធ ថា នឹងបន្តបំពេញតួនាទីជានាយករដ្ឋមន្ត្រីចាំផ្ទះ
នាយករដ្ឋមន្ត្រីផុតអាណត្តិថៃលោក ប្រាយុទ្ធ ចាន់អូចា បានថ្លែងប្រាប់អ្នកសារព័ត៌មាននៅថ្ងៃព្រហស្បតិ៍នេះថា វាជាថ្ងៃចុងក្រោយរបស់លោកហើយនៅវិមានរដ្ឋាភិបាល ប៉ុន្តែលោកនឹងបន្តបំពេញតួនាទីជានាយករដ្ឋមន្ត្រីចាំផ្ទះរហូតដល់មានការបង្កើតគណៈរដ្ឋមន្ត្រីថ្មី និងផ្ទេរអំណាចជាផ្លូវការ ។
បន្ទាប់ពីបានអញ្ជើញទៅអុជធូបនៅទីសក្ការៈបូជាក្នុងវិមានរដ្ឋាភិបាលរួចហើយ លោកឧត្តមសេនីយ៍ ប្រាយុទ្ធ បានប្រាប់ថា លោកនឹងចាកចេញពីវិមានមួយនេះដើម្បីជាប្រយោជន៍រួម ហើយលោកក៏បានជូនពរដល់ប្រជាពលរដ្ឋទាំងអស់ និងប្រទេសជាតិមានសន្តិភាព និងវិបុលភាពផងដែរ ។
ទន្ទឹមនោះ លោក ប្រាយុទ្ធ បានប្រាប់អ្នកសារព័ត៌មាននៅឯវិមានរដ្ឋាភិបាលថា “ខ្ញុំសូមជូនពរឲ្យថ្ងៃនេះ ជាថ្ងៃល្អសម្រាប់ប្រជាពលរដ្ឋទាំងអស់គ្នា ហើយខ្ញុំចង់បាន និងចង់ឃើញប្រទេសថៃមានសុខសន្តិភាព” ។
ស្របពេលជាមួយគ្នានោះ លោកឧត្តមសេនីយ៍វ័យ ៦៩ ឆ្នាំរូបនេះ ថែមទាំងស្នើឲ្យរដ្ឋាភិបាលថ្មីបន្តថែរក្សាប្រទេសជាតិ ប្រជាជន និងសសរស្តម្ភទាំងបីរបស់ប្រទេសថៃគឺ ជាតិ សាសនា និងព្រះមហាក្សត្រ នៅពេលចូលកាន់តំណែងជំនួសលោកផងដែរ ។
គួរបញ្ជាក់ថា លោកមហាសេដ្ឋីអចលនទ្រព្យ សេតថា ថាវីស៊ីន មកពីគណបក្សភឿថៃនឹងបន្តតំណែងជានាយករដ្ឋមន្ត្រីទី ៣០ ជំនួសលោក ប្រាយុទ្ធ បន្ទាប់ពីមេដឹកនាំគណបក្សចលនាឆ្ពោះទៅមុខ លោក ភិថា លីមចារើនរ៉ាត់ ដែលឈ្នះការបោះឆ្នោតកាលពីថ្ងៃទី១៤ ខែឧសភា មិនទទួលបានសំឡេងគ្រប់គ្រាន់ពីសមាជិករដ្ឋសភា និងព្រឹទ្ធសភា ដើម្បីក្លាយជានាយករដ្ឋមន្ត្រីឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ អាស៊ាន អនុម័តឯកសារសំខាន់ៗមុនកិច្ចប្រជុំកំពូលលើកទី ៤៣ នៅ ឥណ្ឌូណេស៊ី
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា