ព័ត៌មានអន្ដរជាតិ
ពាក់កណ្ដាលខែនេះ អ៊ុយក្រែន អាចនឹងទទួលបានរថក្រោះដែល អាមេរិក ជួសជុលហើយ ១០ គ្រឿង
កាសែត Politico បានរាយការណ៍ដោយដកស្រង់សម្ដីមន្ត្រីរបស់មន្ទីរបញ្ចកោណថា នៅពាក់កណ្តាលខែកញ្ញានេះ កងកម្លាំងប្រដាប់អាវុធអ៊ុយក្រែនអាចនឹងទទួលបានរថក្រោះ M1 Abrams ផលិតដោយសហរដ្ឋអាមេរិកចំនួន ១០ គ្រឿង ក្នុងចំណោម ៣១ គ្រឿងដែលបានសន្យាជាមួយរដ្ឋាភិបាលក្រុងកៀវ ។
![](https://www.kampucheathmey.com/wp-content/uploads/2023/09/Abram-5.jpg)
យោងតាមរបាយការណ៍នេះបានឲ្យដឹងទៀតថា បច្ចុប្បន្នរថក្រោះ M1 Abrams ត្រូវបានដឹកទៅកាន់ប្រទេសអាល្លឺម៉ង់រួចរាស់អស់ហើយ ហើយនឹងត្រូវបញ្ជូនបន្តទៅឲ្យអ៊ុយក្រែន បន្ទាប់ពីបញ្ចប់ការជួសជុល ។
ពាក់ព័ន្ធនឹងបញ្ហានេះដែរ អ្នកនាំពាក្យកងទ័ពអាមេរិកប្រចាំនៅទ្វីបអឺរ៉ុប និងអាហ្វ្រិកលោក Martin O’Donnell បានលើកឡើងថា “អាមេរិកប្តេជ្ញានឹងពន្លឿនក្នុងការបញ្ជូនរថក្រោះ M1 Abrams ទាំង ៣១ គ្រឿងទៅឲ្យអ៊ុយក្រែនតាមការសន្យានៅចន្លោះខែកញ្ញាដល់ខែវិច្ឆិកា ។
![](https://www.kampucheathmey.com/wp-content/uploads/2023/09/Abram-6.jpg)
លោក O’Donnell បញ្ជាក់ទៀតថា ការសម្រេចបញ្ជូនរថក្រោះ M1 Abrams នេះ គឺស្របពេលដែលទាហានអ៊ុយក្រែនប្រមាណ ២០០ នាក់ក៏បានបញ្ចប់វគ្គសិក្សាក្នុងការប្រើប្រាស់រថក្រោះប្រភេទនេះរួចហើយផងដែរ នៅមូលដ្ឋានហ្វឹកហ្វឺនសហរដ្ឋអាមេរិកក្នុងប្រទេសអាល្លឺម៉ង់ ។
គួរបញ្ជាក់ថា សហរដ្ឋអាមេរិកបានប្រកាសផ្ដល់កញ្ចប់ជំនួយយោធាក្នុងទំហំទឹកប្រាក់រាប់រយពាន់លានដុល្លារទៅឲ្យរដ្ឋាភិបាលទីក្រុងកៀវ ចាប់តាំងពីផ្ទុះសង្គ្រាមលុកលុយរបស់រុស្ស៊ីលើអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២ មក ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ អ៊ុយក្រែន គំរាមវាយប្រហារចូលជ្រៅ ក្នុងទឹកដីរុស្ស៊ី ក្រោយផលិតបានមីស៊ីលរយៈចម្ងាយឆ្ងាយ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២២ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច