អាមេរិក ប្រកាសបញ្ជូនយន្តហោះចម្បាំង វាយប្រហារនុយក្លេអ៊ែរ ទៅ អង់គ្លេស

យន្តហោះចម្បាំង F-35A មានសមត្ថភាពវាយប្រហារនុយក្លេអ៊ែរផលិតដោយសហរដ្ឋអាមេរិកចំនួន២ក្រុម នឹងទៅដល់មូលដ្ឋាន Lakenheath ដែលជួលដោយសហរដ្ឋអាមេរិកក្នុងចក្រភពអង់គ្លេស នាពេលឆាប់ៗ ដើម្បីជំនួសយន្តហោះ F-15 ដែលត្រូវបានដាក់ពង្រាយនៅទីនោះ រួចទៅហើយ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីអាមេរិក, យន្តហោះ F-35 នឹងត្រូវដាក់នៅមូលដ្ឋាននោះ។ ពួកគេនឹងបញ្ជូនទៅនៅចុងឆ្នាំនេះ បើមិនអ៊ីចឹងទេ អាចនៅពេលណាមួយក្នុងឆ្នាំ២០២៤ក៏ថាបាន។ យន្តហោះប្រភេទនេះសរុប៥៤គ្រឿង ​​នឹង​ជំនួស​ F-15 ដែលក៏​អាច​ផ្ទុក​គ្រាប់បែក​នុយក្លេអ៊ែរ​បានដែរ ប៉ុន្តែ​ហោះបានចម្ងាយជិតជាង។

យន្តហោះចម្បាំងថ្មីនេះ ត្រូវបានរចនាឡើងដើម្បីបើកការទម្លាក់គ្រាប់បែកនុយក្លេអ៊ែរបែបយុទ្ធសាស្ត្រ ប៉ុន្តែក៏មានសមត្ថភាពក្នុងការប្រយុទ្ធតាមអាកាស និងការប្រមូលផ្តុំស៊ើបការណ៍ផងដែរ។

ការដាក់ពង្រាយនេះធ្វើឡើង បន្ទាប់ពីកងទ័ពអាកាសអាមេរិកប្រកាសថា ខ្លួនបានធានានូវមូលនិធិសម្រាប់ឃ្លាំងផ្ទុកនុយក្លេអ៊ែរថ្មីមួយនៅក្នុងចក្រភពអង់គ្លេស ហើយនេះគឺជាការបញ្ជូនអាវុធនុយក្លេអ៊ែររបស់ទីក្រុងវ៉ាស៊ីនតោន ទៅទីក្រុងឡុងដ៍ សាជាថ្មី បន្ទាប់ពីការដកចេញក្នុងឆ្នាំ២០០៨៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ធ្លាក់យន្តហោះដឹកទាហានម៉ារីនអាមេរិក អំឡុងសមយុទ្ធនៅអូស្រ្តាលី ស្លាប់និងរបួសច្រើននាក់