ក្រុមហ៊ុនផលិតសព្វាវុធអង់គ្លេស នឹងទៅបើករោងចក្រនៅ អ៊ុយក្រែន

ប្រធានាធិបតីអ៊ុយក្រែន លោក វ្ល៉ាឌីមៀរ ហ្សេលេនស្គី បានប្រកាសកាលពីថ្ងៃព្រហស្បតិ៍ទី៣១ខែសីហាថា ក្រុមហ៊ុនផលិតសព្វាវុធយក្ស BAE Systems របស់ចក្រភពអង់គ្លេស មានបំណង ធ្វើមូលដ្ឋានីយកម្មក្នុងប្រទេសអ៊ុយក្រែន ដើម្បីផលិតកាំភ្លើងធំ L119 និង M777 ក៏ដូចជាយានប្រយុទ្ធថ្មើរជើង CV90 ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ្សេលេនស្គី បានសរសេរនៅលើឆានែល Telegram របស់ខ្លួន បន្ទាប់ពីកិច្ចប្រជុំជាមួយប្រធានក្រុមហ៊ុនគឺលោក Charles Woodburn ថា BAE Systems ក៏មានគម្រោងបើកការិយាល័យក្នុងប្រទេសអ៊ុយក្រែន ផងដែរ។

ទោះបីជាយ៉ាងណាក៏ដោយ លោក ហ្សេលេនស្គី បញ្ជាក់ថា សហគ្រាសនេះ បានចាប់ផ្តើមធ្វើការនៅអ៊ុយក្រែនជាបណ្តើរៗរួចទៅហើយ។

ដោយឡែក តាមការបង្ហោះលើបណ្តាញសង្គម X ប្រធានាធិបតីអ៊ុយក្រែនបានសរសេរថា “ការអភិវឌ្ឍនៃដំណើរការផលិតអាវុធផ្ទាល់ខ្លួនរបស់យើង គឺជាអាទិភាពកំពូល”។

សូមបញ្ជាក់ ចាប់តាំងពីរុស្ស៊ីបើកការវាយលុកអ៊ុយក្រែនមក ចក្រភពអង់គ្លេស បានក្លាយជាអ្នកផ្គត់ផ្គង់ផ្នែកការពារដ៏ធំបំផុតមួយ របស់ទីក្រុងកៀវ៕

ប្រែសម្រួល៖ Vann Vann

ប្រភព៖ RT, BBC

ចុចអាន៖ ពាក់កណ្ដាលខែនេះ អ៊ុយក្រែន អាចនឹងទទួលបានរថក្រោះដែល អាមេរិក ជួសជុលហើយ ១០ គ្រឿង