ព័ត៌មានអន្ដរជាតិ
Breaking News! សិង្ហបុរី បោះឆ្នោតជ្រើសបានប្រធានាធិបតីថ្មី
លោក Tharman Shanmugaratnam នឹងក្លាយជាប្រធានាធិបតីបន្ទាប់របស់ប្រទេសសិង្ហបុរី បន្ទាប់ពីទទួលបានជ័យជម្នះភ្លូកទឹកភ្លូកដីជាមួយនឹងសំឡេងគាំទ្រ ៧០.៥ ភាគរយ ។
លទ្ធផលចុងក្រោយដែលត្រូវបានប្រកាសដោយមន្ត្រីរៀបចំការបោះឆ្នោតត្រូវបានធ្វើឡើងភ្លាមៗនៅពាក់កណ្ដាលយប់ថ្ងៃសុក្រឆ្លងចូលសៅរ៍ ទី២ ខែកញ្ញា ខណៈលោក Ng Kok Song អតីតនាយកប្រតិបត្តិនៃមូលនិធិវិនិយោគជាមួយរដ្ឋាភិបាលស្ថិតនៅលំដាប់ទី២ ដោយទទួលបានសំឡេងគាំទ្រ ១៥.៧២ ភាគរយ ។
ចំណែកចំណាត់ថ្នាក់លេខ ៣ បានទៅលើលោក Tan Kin Lian អតីតប្រធានក្រុមហ៊ុនធានារ៉ាប់រង ដោយទទួលបានសំឡេងគាំទ្រ ១៣.៨៨ ភាគរយ ខណៈក្នុងការបោះឆ្នោតជ្រើសរើសប្រធានាធិបតីនេះដែរ មានការបោះបដិសេធចំនួន ៥០,១៥២ សំឡេងស្មើនឹង ១.៩៨ ភាគរយនៃការបោះឆ្នោតសរុប ។
ទន្ទឹមនោះ នេះជាលើកដំបូងហើយក្នុងរយៈពេល ១២ ឆ្នាំដែលប្រជាពលរដ្ឋសិង្ហបុរីមានបេក្ខភាពច្រើនជាងម្នាក់ក្នុងការសម្រេចចិត្តបោះឆ្នោតជ្រើសរើសធ្វើជាប្រធានាធិបតី ។
គួរបញ្ជាក់ថា អាណត្តិប្រធានាធិបតីនៅក្នុងប្រទេសសិង្ហបុរីគឺមានរយៈពេល ៦ ឆ្នាំ ខណៈការបោះឆ្នោតកាលពីឆ្នាំ ២០១៧ លោកស្រី Halimah Yacob ដែលបច្ចុប្បន្នជាប្រធានាធិបតីផុតអាណត្តិ គឺមិនមានបេក្ខភាពប្រកួតប្រជែងជាមួយលោកស្រីនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ តើអ្នកណាចុះហត្ថលេខាអមព្រះមហាក្សត្រ ថៃ លើក្រឹត្យលើកលែងទោសលោក ថាក់ស៊ីន?
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៥ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ៣ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ