ព័ត៌មានអន្ដរជាតិ
យន្តហោះមហាទម្ងន់ដឹកសម្ភារៈលោក Biden ទៅដល់ វៀតណាម ហើយ
យន្តហោះដឹកជញ្ជូនសម្ភារៈសម្រាប់ដំណើរទស្សនកិច្ចនាពេលខាងមុខរបស់ប្រធានាធិបតីអាមេរិក Joe Biden ប្រភេទ Boeing C-17 Globemaster III បានចុះចតដោយសុវត្ថិភាពនៅអាកាសយានដ្ឋាន Noi Bai ក្នុងទីក្រុងហាណូយកាលពីរសៀលថ្ងៃសុក្រ ។
ទន្ទឹមនោះ នេះគឺជាជើងហោះហើរដឹកសម្ភារៈដំបូងគេហើយដែលបម្រើដល់ដំណើរទស្សនកិច្ចរបស់លោក Biden ទៅកាន់ប្រទេសវៀតណាម ខណៈតាមការកំណត់ប្រធានាធិបតីអាមេរិករូបនេះនឹងចាប់ផ្ដើមដំណើរទស្សនកិច្ចនៅវៀតណាមពីថ្ងៃទី១០ ដល់ថ្ងៃទី១១ ខែកញ្ញាខាងមុខនេះ ។
យន្តហោះ C-17 Globemaster III គឺជាយន្តហោះយោធាមហាទម្ងន់ ត្រូវបានបង្កើតឡើងដោយក្រុមហ៊ុនផលិត McDonnell Douglas ដែលមានមូលដ្ឋាននៅទីក្រុង Berkeley នៅចុងទសវត្សរ៍ឆ្នាំ ១៩៨០ សម្រាប់ការដឹកជញ្ជូនសព្វាវុធ និងទាហានទៅកាន់ទីតាំងណាមួយក្នុងពិភពលោក ។
បន្ទាប់ពីប្រើប្រាស់អស់រយៈពេល ៣០ ឆ្នាំហើយនោះ យន្តហោះដែលមានប្រវែង ៥៣ ម៉ែត្រមួយនេះ ត្រូវបានចាត់ទុកថាជាឆ្អឹងខ្នងនៃការដឹកជញ្ជូនយោធាអាមេរិក ក៏ដូចជាយានជំនិះសម្រាប់មេដឹកនាំរបស់ខ្លួន ក្នុងអំឡុងពេលទស្សនកិច្ចបរទេស ។
គួរបញ្ជាក់ថា នេះមិនមែនជាលើកទីមួយនោះទេដែលអាកាសយានដ្ឋាន Noi Bai ធ្លាប់ទទួលយន្តហោះមហាទម្ងន់បែបនេះ ពោលអាកាសយានដ្ឋានមួយនេះបានទ្រការចុះចតរបស់យន្តហោះខ្នាតយក្សជាច្រើនដង ជាពិសេសក្នុងកិច្ចប្រជុំកំពូលរវាង កូរ៉េខាងជើង-សហរដ្ឋអាមេរិក ដែលបានធ្វើឡើងនៅទីក្រុងហាណូយកាលពីខែកុម្ភៈ ឆ្នាំ២០១៩ ៕
ប្រែសម្រួលដោយ ៖ ជីវ័ន្ត
ប្រភព ៖ VN Express
ចុចអាន ៖ តើមូលហេតុអ្វីខ្លះទើបព្រះមហាក្សត្រ ថៃ សម្រេចព្រះទ័យបន្ថូរបន្ថយទោសលោក ថាក់ស៊ីន?
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា