ព័ត៌មានអន្ដរជាតិ

ប្រទះឃើញស្នាមជើងដាយណូស័រចំនួន ៧០ ដោយចៃដន្យនៅរដ្ឋតិចសាស់

បានផុស

១ year មុន

នៅ

ថ្ងៃចន្ទ ៤ កញ្ញា ២០២៣

ដោយ

អ្នកស្ម័គ្រចិត្តនៅឧទ្យាន Dinosaur Valley State Park ដែលមានទីតាំងនៅភាគខាងត្បូងនៃទីក្រុង Dallas រដ្ឋតិចសាស់ សហរដ្ឋអាមេរិក បានប្រទះឃើញស្នាមជើងដាយណូស័រចំនួន ៧០ ដោយចៃដន្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នាមជើងទាំងនោះមានអាយុកាលប្រហែល ១១០ លានឆ្នាំ ហើយគេអាចប្រទះឃើញវាដោយសារតែអាកាសធាតុក្ដៅខ្លាំង បណ្ដាលឲ្យរីងស្ងួតប៉ុណ្ណោះ ។

ដើម្បីវិភាគដានជើង អ្នកស្ម័គ្រចិត្តត្រូវចំណាយពេលជាច្រើនសប្តាហ៍ យកដីល្បាប់ដែលគ្របដណ្តប់ និងចាក់បំពេញដានជើងដាយណូស័រចេញសិន ។

ការវិភាគចុងក្រោយបង្ហាញថា ពួកវាជាកម្មសិទ្ធិរបស់ដាយណូស័រ ២ គឺ Acrocanthosaurus មានទម្ងន់ ៧ តោន និង Sauropodseiden (Paluxysaurus) មានទម្ងន់រហូតដល់ ៤៤ តោន ។

សូមជម្រាបថា ឧទ្យាន Dinosaur Valley State Park គឺជាកន្លែងទេសចរណ៍ដ៏យូរលង់មួយសម្រាប់អ្នកចូលចិត្តដាយណូស័រ ។ ជាធម្មតា អ្នកទស្សនាទៅទន្លេ Paluxy ដើម្បីនេសាទ ហែលទឹក និងជិះទូកកាយ៉ាកជាដើម ៕

ប្រែសម្រួល៖ វារី

ប្រភព៖ sputnikglobe