ប្រទះឃើញសាកសពអណ្ដើកកម្រនៅឆ្នេរសមុទ្រ វៀតណាម ខាងត្បូង

នៅព្រឹកថ្ងៃចន្ទ ទី៤ ខែកញ្ញា បុគ្គលិកអនាម័យបានរកឃើញសាកសពអណ្ដើកសមុទ្រមួយក្បាល លើឆ្នេរខ្សាច់់ Bai Truoc ទីក្រុង Vung Tau នៃខេត្ត Ba Ria-Vung Tau ភាគខាងត្បូងប្រទេស វៀតណាម ។

អណ្តើកសមុទ្រនេះ មានឈ្មោះវិទ្យាសាស្ត្រថា Chelonia Mydas ស្ថិតក្នុងបញ្ជីរបស់រដ្ឋាភិបាលនៃប្រភេទសត្វជិតផុតពូជ មានតម្លៃ និងកម្រ ដែលត្រូវបានផ្តល់អាទិភាពសម្រាប់ការការពារ ។

វា​មាន​ប្រវែង​ជាង ១,១ ម៉ែត្រ និង​ទទឹង ៦០ សង់ទីម៉ែត្រ ស្ថិត​ក្នុង​សភាព​ទ្រុឌទ្រោមយ៉ាងខ្លាំង ។ មន្ត្រី​ក្នុង​ក្រុង​បាន​និយាយ​ថា អណ្ដើក​ពេញ​វ័យ​នេះ​ជាភេទ​ញី ហើយ​មាន​ទម្ងន់​ប្រហែល ៨០ គីឡូក្រាម ។

បើតាមការវិភាគ គេជឿថាសត្វល្មូននេះបានស្លាប់កាលពី ២-៣ ថ្ងៃមុនត្រូវមនុស្សប្រទះឃើញ ។ គេក៏សង្កេតឃើញដែលថា វាមានស្នាមរបួសដ៏វែង ប្រហែលបណ្ដាលមកពីហែលទឹកក្រោមកប៉ាល់កំពុងបើកហើយទើបរងរបួសដល់ស្លាប់ ៕

ប្រែសម្រួល៖ វារី

ប្រភព៖ tuoitrenews.vn

ចុចអាន៖ គោនៅរដ្ឋតិចសាស់ ងាប់ដោយសារដាច់អណ្ដាតយ៉ាងអាថ៌កំបាំង

ចុចអាន៖ អណ្ដើកយក្សដ៏កម្ររបស់ពិភពលោក ងាប់ដោយគ្មានមូលហេតុនៅ វៀតណាម