ព័ត៌មានអន្ដរជាតិ

រាជបុត្រ Mateen នៅតែយាងអមព្រះរាជដំណើរស្ដេចស៊ុលតង់ ក្នុងកិច្ចប្រជុំកំពូលអាស៊ាននៅឥណ្ឌូណេស៊ី

បានផុស

២ years មុន

នៅ

ថ្ងៃអង្គារ ៥ កញ្ញា ២០២៣

ដោយ

ព្រះអង្គម្ចាស់ Abdul Mateen នៅតែយាងអមព្រះរាជដំណើរស្ដេចស៊ុលតង់ព្រុយណេ Hassanal Bolkiah ដើម្បីចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ ទៅទីក្រុងហ្សាការតា ប្រទេសឥណ្ឌូណេស៊ី កាលពីម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក នៅលើបណ្ដាញសង្គម Instagram របស់បុត្រាទី ១០ របស់ស្តេចស៊ុលតង់អង្គនេះ បានបង្ហោះរូបភាព២សន្លឹកក្នុងដំណើរមកដល់អាកាសយានដ្ឋានអន្តរជាតិ Soekarno-Hatta ដោយទ្រង់ទាំងពីរយាងចុះពីយន្តហោះឯកជន ចូលដល់ទឹកដីនៃប្រទេសឥណ្ឌូណេស៊ីទាំងព្រះភ័ក្ររីករាយ។

លើសពីនេះដែរ ក្សត្រនៃប្រទេសព្រុយណេត្រូវបានស្វាគមន៍ដោយរដ្ឋមន្ត្រីក្រសួងទំនាក់ទំនងនិងព័ត៌មាន, ឯកឧត្តមរដ្ឋមន្ត្រីនៅទីស្តីការនាយករដ្ឋមន្រ្តី, រដ្ឋមន្ត្រីក្រសួងហិរញ្ញវត្ថុ និងសេដ្ឋកិច្ច, រដ្ឋមន្ត្រីក្រសួងការបរទេស, និងភារធារីនៅស្ថានទូតព្រុយណេប្រចាំប្រទេសឥណ្ឌូណេស៊ី រង់ចាំស្វាគមន៍យ៉ាងកក់ក្ដៅថែមទៀត។

ដូចសព្វមួយដង អ្វីដែលកាន់តែគួរឲ្យចាប់អារម្មណ៍ពីសំណាក់អ្នកតាមដាន គឺវត្តមានរបស់ព្រះរាជបុត្រា Abdul Mateen តែងតែឆក់ការចាប់អារម្មណ៍ពីសំណាក់អ្នកលេងអ៊ីនធឺណិត ខណៈទ្រង់អមដំណើរស្ដេចស៊ុលតង់ដែលជាបិតាជាច្រើនដង ក្នុងដំណើរទស្សនកិច្ចផ្លូវការនានា។

គួររម្លឹកថា នេះមិនមែនជាលើកទីមួយនោះទេ ដែលរាជបុត្រមានព្រះជន្ម ៣២ ព្រះវស្សាអមដំណើរព្រះបិតាទ្រង់ប្រទេសផ្សេងៗ។ កាលពីខែឧសភា ឆ្នាំ២០២៣កន្លងទៅនេះ ទ្រង់ក៏ធ្លាប់អមដំណើរបិតាដើម្បីចូលរួមកិច្ចប្រជុំកំពូលអាស៊ានលើកទី៤២ នៅទីក្រុង Labuan Bajo រដ្ឋ East Nusa Tenggara ប្រទេសឥណ្ឌូណេស៊ីម្ដងរួចទៅហើយ។ កាលណោះមន្តស្នេហ៍របស់ព្រះអង្គម្ចាស់បានឆក់ការចាប់អារម្មណ៍ពីសំណាក់អ្នកលេងអ៊ីនធឺណិតឥណ្ឌូណេស៊ីយ៉ាងភ្លូកទឹកភ្លូកដីផងដែរ៕