ហ្វីលីពីន ប្រកាសត្រៀមខ្លួនធ្វើជាប្រធានអាស៊ានឆ្នាំ២០២៦ ជំនួស មីយ៉ាន់ម៉ា

ប្រទេសហ្វីលីពីន បានត្រៀមខ្លួនជាស្រេចដើម្បីធ្វើជាប្រធានអាស៊ាននៅឆ្នាំ២០២៦ ជំនួសមីយ៉ាន់ម៉ា។ នេះបើតាមការបញ្ជាក់ពី លោកប្រធានាធិបតី Ferdinand Marcos Jr នៅថ្ងៃអង្គារទី៥ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសមីយ៉ាន់ម៉ា ត្រូវញាំញីដោយអំពើហិង្សាធ្ងន់ធ្ងរ ចាប់តាំងពីរដ្ឋប្រហារយោធាឆ្នាំ២០២១ បានទម្លាក់រដ្ឋាភិបាលលោកស្រី អ៊ុងសាន ស៊ូជី និងបើកការបង្ក្រាបបង្ហូរឈាមលើក្រុមប្រឆាំង។

លោក Marcos បានប្រាប់មេដឹកនាំសមាគមប្រជាជាតិអាស៊ីអាគ្នេយ៍ ក្នុងរដ្ឋធានីហ្សាការតារបស់ឥណ្ឌូណេស៊ីថា “ខ្ញុំមានសេចក្តីសោមនស្សរីករាយ សូមប្រកាសថា ហ្វីលីពីនបានត្រៀមខ្លួនរួចជាស្រេច ក្នុងការដឹកនាំ និងធ្វើជាប្រធានអាស៊ាននៅឆ្នាំ២០២៦។ យើង​នឹង​ពង្រឹង​មូលដ្ឋាន​គ្រឹះ​នៃ​ការ​កសាង​សហគមន៍​របស់​យើង និងដឹកនាំ​អាស៊ាន ​នៅ​ពេល​ខ្លួន​ចាប់​ផ្តើម​លើ​ជំពូក​ថ្មី”។

ទោះបីជាយ៉ាងណាក៏ដោយ លោក Marcos មិន​បាន​បញ្ជាក់ទេ​ថាតើ​ហេតុ​អ្វី ​បាន​ជាទី​ក្រុង​ម៉ានីល ​ទទួល​យក​កៅអី​ពី​ប្រទេស​មីយ៉ាន់ម៉ា។

គួរបញ្ជាក់ថា ប្រទេសឡាវ នឹងធ្វើជាម្ចាស់ផ្ទះនៃកិច្ចប្រជុំកំពូលឆ្នាំក្រោយ ហើយម៉ាឡេស៊ីនឹងធ្វើជាប្រធានព្រឹត្តិការណ៍នេះនៅឆ្នាំ២០២៥៕

ប្រែសម្រួល៖ Vann Vann

ប្រភព៖ Thai PBS

ចុចអាន៖ លោក Yoon៖ កូរ៉េខាងត្បូងនិងអាស៊ីអាគ្នេយ៍ត្រូវតែរួមកម្លាំងគ្នា ដើម្បីទប់ទល់ កូរ៉េខាងជើង