ទីផ្សារពេជ្រធម្មជាតិកំពុងធ្លាក់ចុះ ដោយសារតែប្រជាជនអាមេរិកចូលចិត្តពេជ្រចិញ្ចឹមជាង

បើយោងតាមរបាយការណ៍របស់ Bloomberg ការកើនឡើងនៃជម្រើសពេជ្រចិញ្ចឹមដើម្បីធ្វើជាចិញ្ចៀនភ្ជាប់ពាក្យ កំពុងឈានចូលទៅក្នុងទីផ្សារពេជ្រដ៏ពេញនិយម ។

តាំងពីមានជំងឺរាតត្បាតមក ទីផ្សារពេជ្រ និងទំនិញប្រណីតៗបានធ្លាក់ចុះយ៉ាងខ្លាំង ខណៈ​ពេជ្រចិញ្ចឹមដណ្ដើមចំណែកទីផ្សារពេជ្រធម្មជាតិដល់ទៅ ៩ ភាគរយ ហើយឥណ្ឌាជាកន្លែងផ្គត់ផ្គង់ និងច្នៃពេជ្រចិញ្ចឹមមួយចំនួនធំ ។

ជាឧទាហរណ៍ ក្រុមហ៊ុនពេជ្រយក្ស De Beers ត្រូវកាត់បន្ថយតម្លៃជាង ៤០ ភាគរយ សម្រាប់ពេជ្រពី ២ ទៅ ៤ ការាត់ ដែលមានគុណភាពខ្ពស់ប៉ុន្តែមិនល្អឥតខ្ចោះទេ ។

កាលពីខែមិថុនាកន្លងទៅ ក្រុមហ៊ុនខាងលើ បានគិតប្រាក់ប្រហែល ១ ៤០០ ដុល្លារ ក្នុងមួយការាត់ ដល់ខែកក្កដា វាបានធ្លាក់ចុះមកនៅត្រឹម ៨៥០ ដុល្លារក្នុងមួយការាត់វិញហើយតម្លៃទីផ្សារបន្ទាប់បន្សំនៅតែទាបជាងនេះ ១០ ភាគរយ ដែលមានន័យថាអាចធ្លាក់ចុះបន្ថែមទៀតនាពេលអនាគត ៕

ប្រែសម្រួល៖ វារី

ប្រភព៖ insider

ចុចអាន៖ ការពិតដ៏ឈឺចាប់ នៅពីក្រោយការរុករកពេជ្រធម្មជាតិ