ព័ត៌មានអន្ដរជាតិ
យោធា មីយ៉ាន់ម៉ា រងការវាយប្រហារយ៉ាងចាស់ដៃពីយន្តហោះដ្រូនរបស់ ទ័ពការៀង
នៅក្នុងរយ:ពេល ២ ខែចុងក្រោយនេះ យ៉ាងហោចណាស់កងទ័ពមីយ៉ាន់ម៉ាទទួលរងនូវការវាយប្រហារដោយយន្តហោះដ្រូនរបស់កងទ័ពការៀងចំនួន ៧៧ លើក ហើយនេះក៏ជាយុទ្ធវិធីថ្មីផងដែរ បន្ទាប់ពីកងទ័ពការៀងបានរៀនសូត្រពីក្រុមអ្នកជំនាញមកពីបរទេស ។
យោងតាមការចុះផ្សាយរបស់សារព័ត៌មាន Thai PBS បានបញ្ជាក់ថា រយ:ពេល ២ ខែកន្លងទៅនេះ កងទ័ពការៀង (KNDS) ដែលរស់នៅតាមខ្សែបន្ទាត់ព្រំដែនថៃក្នុងខេត្តខ្យា ជាប់នឹងខេត្តម៉ែហង់សន បានផ្លាស់ប្តូរយុទ្ធវិធីថ្មីដើម្បីវាយប្រហារទៅលើទីតាំងកងទ័ព និងទីតាំងរាជការរបស់មីយ៉ាន់ម៉ា ដោយការប្រើប្រាស់យន្តហោះដ្រូនបំពាក់ក្បាលគ្រាប់ដើម្បីទម្លាក់ទៅលើគោលដៅនានា ខណៈវិធីសាស្ត្រនេះគឺទទួលបានការបង្រៀន និងហ្វឹកហាត់ជំនាញពីក្រៅប្រទេស ។
នៅក្នុងការវាយប្រហារដោយប្រើដ្រូននេះដែរ ក៏បណ្ដាលឲ្យមន្ត្រីយោធាធំៗរបស់មីយ៉ាន់ម៉ាស្លាប់ចំនួន ៥ នាក់ និងរងរបួស ១៦ នាក់ផងដែរ ខណៈយន្តហោះដ្រូនដែលកងទ័ពការៀងប្រើប្រាស់នោះទើបតែចំណាយការផលិតអស់ ១៥ ម៉ឺនដុល្លារតែប៉ុណ្ណោះ ។
ពាក់ព័ន្ធនឹងបញ្ហានេះដែរ អ្នកនយោបាយមួយចំនួនបាននិយាយថា បើទោះបីជាកងទ័ពមីយ៉ាន់ម៉ាមានអាវុធយុទ្ធភ័ណ្ឌទំនើបៗក៏ពិតមែន ប៉ុន្តែក៏ពិបាកក្នុងការទប់ទល់ជាមួយសង្គ្រាមដ្រូននេះផងដែរ ។ បន្ថែមពីនេះកម្លាំងទ័ពការៀងក៏បានធ្វើការផ្សព្វផ្សាយដល់ប្រជាពលរដ្ឋមីយ៉ាន់ម៉ាចាកចេញឲ្យឆ្ងាយពីទីតាំងយោធា និងទីតាំងរាជការដើម្បីការពារអាយុជីវិតរបស់ខ្លួន ព្រោះការវាយប្រហារតាមរយៈយន្តហោះដ្រូននេះនៅតែអាចកើតមានឡើងគ្រប់ពេល ៕
អត្ថបទ ៖ សោ និយមរ័ត្ន
ចុចអាន ៖ លោកស្រី អ៊ុងសាន ស៊ូជី កំពុងមានជំងឺ ហើយយោធាបដិសេធមិនឲ្យយក ពេទ្យពីខាងក្រៅមកព្យាបាលឡើយ
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ