ព័ត៌មានអន្ដរជាតិ

រុស្ស៊ី ថាជា “ដំណឹងដ៏អាក្រក់” ក្រោយ អាមេរិក ផ្ដល់គ្រាប់បែកចង្កោមទៅឲ្យ អ៊ុយក្រែន

បានផុស

២ years មុន

នៅ

ថ្ងៃសុក្រ ៨ កញ្ញា ២០២៣

ដោយ

ប្រទេសរុស្ស៊ីកាលពីថ្ងៃព្រហស្បតិ៍បានថ្កោលទោសការសម្រេចចិត្តរបស់សហរដ្ឋអាមេរិកក្នុងការផ្ដល់គ្រាប់បែកចង្កោមទៅឲ្យប្រទេសអ៊ុយក្រែន ហើយថែមទាំងហៅការផ្គត់ផ្គង់មួយនេះថាជា “ដំណឹងដ៏អាក្រក់” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទសារព័ត៌មាននៅទីក្រុងមូស្គូ អ្នកនាំពាក្យវិមានក្រឹមឡាំង លោក Dmitry Peskov បានរំឭកថា “ការប្រើប្រាស់គ្រាប់បែកចង្កោមនាពេលកន្លងមកនៅក្នុងអតីតប្រទេសយូហ្គោស្លាវី មានផលវិបាកដ៏ក្រៀមក្រំបំផុតរួចទៅហើយ ហើយវាក៏ត្រូវបានកត់ត្រាដោយអង្គការអន្តរជាតិផងដែរ” ។

លោក Peskov បានលើកឡើងថា ទន្ទឹមនោះ ការប្រើគ្រាប់បែកចង្កោមបែបនេះនឹងនាំឲ្យមានការកើនឡើងនូវចំនួនអ្នកកើតជំងឺមហារីក និងជំងឺផ្សេងៗទៀត ហើយផលវិបាកទាំងនេះក៏កើតមានចំពោះកូនចៅអ្នកដែលរងផលប៉ះពាល់ និងតំបន់នៃការប្រើប្រាស់អាវុធទាំងនេះផងដែរ” ។

អ្នកនាំពាក្យវិមានក្រឹមឡាំងរូបនេះបានអះអាងទៀតថា ក្រៅពីផ្ដល់គ្រាប់បែកចង្កោមទៅឲ្យអ៊ុយក្រែនហើយនោះ សហរដ្ឋអាមេរិកក៏ជាអ្នកទទួលខុសត្រូវទាំងស្រុងចំពោះផលវិបាកនៃការប្រើប្រាស់ប្រភេទអាវុធដែលមានវិទ្យុសកម្មនេះផងដែរ ។

គួរបញ្ជាក់ថា កាលពីថ្ងៃពុធមន្ទីរបញ្ចកោណបានប្រកាសពីការផ្ដល់កញ្ចប់ជំនួយយោធាចំនួន ១៧៥ លានដុល្លារបន្ថែមទៀតទៅដល់ប្រទេសអ៊ុយក្រែន ហើយវាក៏ជាលើកទីមួយផងដែរ ដែលសហរដ្ឋអាមេរិកផ្ដល់គ្រាប់បែកចង្កោមបំពាក់លើរថក្រោះប្រយុទ្ធ Abrams ដើម្បីប្រយុទ្ធលើសមរភូមិជាមួយរុស្ស៊ី ៕