ព័ត៌មានអន្ដរជាតិ

ក្រុមហ៊ុនដំឡូង “One Chip Challenge” សុខចិត្តឈប់លក់ ក្រោយធ្វើឲ្យក្មេងប្រុសជំទង់ម្នាក់ស្លាប់

បានផុស

១ year មុន

នៅ

ថ្ងៃសុក្រ ៨ កញ្ញា ២០២៣

ដោយ

ក្រុមហ៊ុន Paqui ដែលជាអ្នកផលិតដំឡូងសម្រាប់ធ្វើ “One Chip Challenge” សុខចិត្តឈប់លក់ផលិតផល បន្ទាប់ពីធ្វើឲ្យក្មេងប្រុសជំទង់ម្នាក់បាត់បង់ជីវិត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំឡូងនេះមានតែមួយប៉ុណ្ណោះក្នុងមួយកញ្ចប់ ហើយពួកគេប្រឡាក់គ្រឿងជាមួយម្ទេសហឹរបំផុត ២ ប្រភេទគឺ Carolina Reaper និង Naga Viper ។

អ្នកស្រី Lois Wolobah ប្រាប់សារព័ត៌មាន NBC ថា កូនប្រុសអាយុ ១៤ ឆ្នាំរបស់អ្នកស្រីឈ្មោះ Harris Wolobah បានញ៉ាំដំឡូងនេះ កាលពីថ្ងៃសុក្រ ទី១ ខែសីហា បន្ទាប់មកគាត់ទៅពេទ្យ ដោយសារឈឺពោះខ្លាំងពេក ។

អ្នកស្រី Wolobah និយាយថា ក្រោយមក Harris បានសន្លប់នៅផ្ទះនាពេលរសៀលថ្ងៃដដែលនោះ ហើយត្រូវប្រកាសថាស្លាប់ក្នុងមន្ទីរពេទ្យនៅថ្ងៃបន្ទាប់ ។ ទោះយ៉ាងណាមិញ ការធ្វើកោសល្យវិច័យមិនទាន់បង្ហាញពីមូលហេតុនៃការស្លាប់ពិតប្រាកដនៅឡើយទេ ៕

ពាក់ព័ន្ធនឹងករណីខាងលើ អ្នកនាំពាក្យក្រុមហ៊ុនបាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ ទី៧ ថា “ក្រុមហ៊ុន Paqui មានការសោកស្ដាយយ៉ាងខ្លាំងចំពោះការស្លាប់របស់ Harris Wolobah ហើយសូមចូលរួមរំលែកទុក្ខផង ។ ទោះ Paqui One Chip Challenge ជាល្បែងសម្រាប់មនុស្សពេញវ័យក៏ដោយ យើងឃើញថា មានយុវវ័យជាច្រើនបានញ៉ាំវា ។ យើងយកចិត្តទុកដាក់ជាមួយអតិថិជនគ្រប់គ្នា និងសម្រេចចិត្តឈប់លក់ដំឡូងនេះ” ។