អាហារប្លែក ទឹកកកអាំងអំបិលម្ទេស កំពុងទទួលបានភាពល្បីល្បាញក្នុងប្រទេស ចិន

ចិន​ត្រូវ​បាន​គេ​ចាត់​ទុក​ជា​ប្រទេស​ដែល​តែង​តែ​មាន​របស់​ប្លែក​ៗ​សម្រាប់​ទទួលទាន ដែលធ្វើ​ឲ្យ​មនុស្ស​ក្នុង​ពិភពលោក​មាន​ការ​ងឿង​ឆ្ងល់និង​ភ្ញាក់ផ្អើល​ ជាពិសេសនោះគឺមុខម្ហូបថ្មីទើបផ្ទុះឡើងកាលពីប៉ុន្មានខែមុនប៉ុណ្ណោះ។

កាលពីពេលថ្មី​ៗ​នេះ​ យុវវ័យប្រុស-ស្រី​ចិន​ជាច្រើនបានបង្ហាញនូវមុខ​ម្ហូប​ថ្មី​មក​ប្លែក​ភ្នែក ជាមួយនឹងម៉ឺនុយទឹកកកអាំងជាមួយម្សៅម៉ាឡា (ដូចម្សៅម្ទេស) កំពុងក្លាយជាអាហារចិញ្ចើមផ្លូវល្បីល្បាញ។

តាមរយៈបណ្ដាញសង្គម Tiktok បានបង្ហាញឲ្យឃើញក្មេងជំទង់ជនជាតិចិនកំពុងញ៉ាំទឹកកកអាំងលើភ្លើង រួមជាមួយនឹងម្សៅម្ទេសស្រដៀងនឹងម៉ាឡា ព្រមទាំងថែមល្ងពណ៌សរោយពីលើថែមទៀត។

យ៉ាងណាមិញ មុខម្ហូបទឹកកកអាំងមួយនេះ វា​នឹង​ត្រូវ​ដុត​ក្នុង​រយៈ​ពេល​ខ្លី ដើម្បី​កុំ​ឲ្យទឹកកក​រលាយ​ទាំង​ស្រុង។ មុនពេលញ៉ាំជាមួយសីតុណ្ហភាពនៃទឹកកកក្តៅមួយដុំៗ។ នាពេលនេះ អាចនិយាយបានថាជាអាហារដ៏គួរឲ្យភ្ញាក់ផ្អើលខ្លាំងបំផុតនៅក្នុងប្រទេសចិននិងកំពុងទទួលបានប្រជាប្រិយភាពយ៉ាងខ្លាំង។

លើសពីនេះទៀតសោត អាហារប្លែកមួយមុខនេះកំពុងទាក់ទាញឲ្យមនុស្សផ្សេងៗទៀតចង់ទៅលេងប្រទេសចិន ហើយចង់សាករសជាតិរបស់វា ថាតើឆ្ងាញ់ដូចគេល្បីពិតមែនឬអត់៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖រូបសំណាកធ្វើពីមាស ដែលរងការរិះគន់នៅ កូរ៉េខាងត្បូង ពេលនេះមានតម្លៃមហាសាល