ជប៉ុន រុះរើគណៈរដ្ឋមន្ត្រីទ្រង់ទ្រាយធំ តែងតាំងស្រ្តីមានឥទ្ធិពល ឲ្យកាន់តំណែងជាប្រមុខក្រសួងការបរទេស 

ប្រធានខុទ្ទកាល័យជប៉ុនលោក Hirokazu Matsuno បាននិយាយនៅថ្ងៃពុធទី១៣ខែកញ្ញាថា អតីតរដ្ឋមន្ត្រីក្រសួងយុត្តិធម៌លោកស្រី Yoko Kamikawa ត្រូវបានតែងតាំងជារដ្ឋមន្ត្រីការបរទេសថ្មីរបស់ប្រទេស ខណៈជំនួយការរបស់អតីតនាយករដ្ឋមន្ត្រីលោក Minoru Kihara ត្រូវតែងតាំងជារដ្ឋមន្ត្រីការពារជាតិថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Matsuno បានប្រកាសគណៈរដ្ឋមន្ត្រីថ្មីនេះ ក្នុងអំឡុងសន្និសីទសារព័ត៌មាន។ ក្នុងចំណោមរដ្ឋមន្ត្រីទាំង១៩រូប នាយករដ្ឋមន្ត្រីជប៉ុន លោក Fumio Kishida បានជំនួសមន្ត្រីចំនួន១៣រូប ដោយក្នុងនោះមាន១១រូប ទើបចូលរួមក្នុងគណៈរដ្ឋមន្ត្រីជាលើកដំបូង។

ទោះបីជាយ៉ាងណាក៏ដោយ រដ្ឋមន្ត្រីក្រសួងហិរញ្ញវត្ថុ Shunichi Suzuki និងរដ្ឋមន្ត្រីឧស្សាហកម្ម Yasutoshi Nishimura នៅតែបន្តកាន់តួនាទីដដែល។

គួរបញ្ជាក់ថា គណៈរដ្ឋមន្ត្រីថ្មីនេះ រួមមានស្ត្រីចំនួន៥នាក់ ដែលជាចំនួនខ្ពស់បំផុត ចាប់តាំងពីគណៈរដ្ឋមន្ត្រីរបស់អតីតនាយករដ្ឋមន្ត្រីជប៉ុន Shinzo Abe៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ជប៉ុន បង្ហាញផែនការបណ្ដុះបណ្ដាលផ្នែកឌីជីថលដល់ពលរដ្ឋនៅអាស៊ាន ៥ ពាន់នាក់