ព័ត៌មានអន្ដរជាតិ

ប៉មសង្កេតការណ៍ ៣ប្រទេស ល្បីថាខ្ពស់ដាច់គេលើពិភពលោក

បានផុស

១ year មុន

នៅ

ថ្ងៃព្រហស្បតិ៍ ១៤ កញ្ញា ២០២៣

ដោយ

ប៉មគឺជាសំណង់ដ៏ខ្ពស់ទូលាយ ដែលច្រើនតែមានកត្តាសំខាន់មួយដោយត្រូវបានគេសម្គាល់ដោយសារតែវាជាបង្គោល រចនាសម្ព័ន្ធទ្រទ្រង់ខ្លួនឯង។ លើសពីនេះទៀតដែរ ប៉មក៏អាចត្រូវបានសាងសង់សម្រាប់ការសង្កេតការណ៍, ការកម្សាន្ត ឬគោលបំណងទូរគមនាគមន៍។

ប៉មក៏ត្រូវបានសម្គាល់ជាពិសេសពីអគារដែលពួកគេត្រូវបានសាងសង់ មិនមែនដើម្បីជាកន្លែងរស់នៅ ប៉ុន្តែសម្រាប់បម្រើមុខងារផ្សេងទៀតដោយប្រើកម្ពស់ប៉ម។ ជាឧទាហរណ៍ កម្ពស់ប៉មនាឡិកាធ្វើឲ្យប្រសើរឡើងនូវភាពមើលឃើញរបស់នាឡិកា ហើយកម្ពស់នៃប៉មនៅក្នុងអគារដែលមានកំពែងដូចជាប្រាសាទបង្កើនភាពមើលឃើញជុំវិញសម្រាប់គោលបំណងការពារ។

សម្រាប់ខាងក្រោមនេះ គឺជាបង្គោលខ្ពស់បំផុតមកពី៣ប្រទេសផ្សេងគ្នាដែលជាប់ឈ្មោះជាប៉មខ្ពស់ដាច់គេនៅលើពិភពលោក៖

១ ប៉ម Warsaw Radio Mast

Warsaw Radio Mast ជាប៉មផ្សាយដ៏ធំដែលមានទីតាំងនៅជិត Gębin ប្រទេសប៉ូឡូញ។ វាធ្លាប់ជាសំណង់ខ្ពស់ជាងគេបំផុតក្នុងពិភពលោក ដែលមានកំពស់ ៦៤៦.៣៨ម៉ែត្រ។ បង្គោលនេះត្រូវបានប្រើជាចម្បងសម្រាប់ការបញ្ជូនសញ្ញាវិទ្យុរលកវែង។ ក្រោយមក បង្គោលមួយនេះត្រូវបានរុះរើក្នុងឆ្នាំ ១៩៩១ ដោយសារតែការបរាជ័យរចនាសម្ព័ន្ធកំឡុងពេលថែទាំ។

២ ប៉ម Petronius Platform

វាគឺជាបង្គោលខួង និងផលិតប្រេងនៅឈូងសមុទ្រ ដែលមានទីតាំងនៅឈូងសមុទ្រម៉ិកស៊ិក។ នេះគឺជាសំណង់ឯករាជ្យខ្ពស់បំផុតមួយក្នុងពិភពលោក ដែលមានកំពស់ប្រហែល ៦៤០ ម៉ែត្រ ពីលើបាតសមុទ្រ។ បង្គោលនេះត្រូវបានប្រើសម្រាប់ការទាញយកប្រេង និងឧស្ម័នធម្មជាតិនៅក្នុងសមុទ្រជ្រៅ និងអាចផ្ទុកបុគ្គលិកបានយ៉ាងច្រើនថែមទៀតផង។

៣ ប៉ម Tokyo Skytree

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាជាប៉មទំនាក់ទំនងទំនើប និងប៉មសង្កេតដែលមានទីតាំងនៅតូក្យូ នៃប្រទេសជប៉ុន ដោយសាងសង់រួចរាល់ក្នុងឆ្នាំ ២០១២ និងមានកំពស់ ៦៣៤ ម៉ែត្រ។ វាត្រូវបានគេចាត់ទុកថាជាប៉មខ្ពស់ជាងគេបំផុតនៅលើពិភពលោកនាពេលបច្ចុប្បន្ននេ។ Tokyo Skytree បម្រើជាប៉មផ្សាយសម្រាប់សញ្ញាទូរទស្សន៍ និងវិទ្យុ រួមទាំងកន្លែងទេសចរណ៍ពេញនិយម ក្នុងនោះផងដែរ វាក៏ជាកន្លែងសង្កេតដែលផ្ដល់នូវទិដ្ឋភាពបែបរំភើបនិងអស្ចារ្យនៃទីក្រុងតូក្យូ៕

ប្រែសម្រួល៖ សាង ស្រីល័ក្ខ

ចុចអាន៖មកទល់ពេលនេះ ម៉ិកស៊ិក នៅតែគ្មានភស្តុតាងច្បាស់ថា សពដែលរកឃើញជា Alien