បារាំងហាមលក់ iPhone 12 ដោយសារវិទ្យុសកម្ម

និយតករបារាំងបានបញ្ជាឱ្យក្រុមហ៊ុន Apple ដក iPhone 12 ចេញពីការលក់ បន្ទាប់ពីឧបករណ៍នេះបរាជ័យក្នុងការធ្វើតេស្តរករលកអេឡិចត្រូម៉ាញ៉េទិច ដែលអាចស្រូបចូលរាងកាយបាន ។

ក្រុមហ៊ុនបច្ចេកវិទ្យាយក្សរបស់សហរដ្ឋអាមេរិក Apple បានច្រានចោលការរកឃើញដោយ ANFR ថា ឧបករណ៍នេះអនុលោមតាមស្តង់ដារវិទ្យុសកម្មសកលដែលត្រូវបានបញ្ជាក់ដោយស្ថាប័នអន្តរជាតិជាច្រើន ។

ANFR ធ្លាប់ប្រាប់ Apple ឱ្យប្រើគ្រប់មធ្យោបាយដើម្បីបញ្ចប់ការមិនអនុលោមតាមច្បាប់ បើមិនដូច្នេះទេ អាចនាំឱ្យមានការប្រមូលទិញមកវិញនូវទូរស័ព្ទ iPhone 12 ដែលបានលក់រួចហើយ ។

ANFR ជាអ្នកត្រួតពិនិត្យឧបករណ៍វិទ្យុ និងការប៉ះពាល់ជាសាធារណៈចំពោះរលកអេឡិចត្រូម៉ាញេទិកនៅក្នុងប្រទេសបារាំងបាននិយាយថា ខ្លួននឹងបញ្ជូនភ្នាក់ងារទៅកាន់ហាង Apple និងអ្នកចែកចាយផ្សេងទៀតដើម្បីប្រាកដថា iPhone 12 លែងមានលក់នៅលើទីផ្សារបារាំងទៀតហើយ ៕

ប្រែសម្រួល៖ វារី

ប្រភព៖ chinadaily

ចុចអាន៖ ត្រកូល iPhone 15 ទាំង៤ម៉ូដែល នឹងមកដល់ខ្មែរ​ឆាប់ៗនេះ ក្នុងតម្លៃចាប់ពីជិត ១០០០ដុល្លារ ឡើងទៅ