ព័ត៌មានអន្ដរជាតិ
ណាតូ ថា សំណើសុំអាវុធពីសំណាក់ អ៊ុយក្រែន ប្រើលើសមរភូមិប្រយុទ្ធគឺលើសសមត្ថភាពផលិតរបស់សម្ព័ន្ធមិត្ត
ប្រធានគណៈកម្មាធិការយោធារបស់អង្គការណាតូលោកឧត្តមនាវីឯក Rob Bauer បានទទួលស្គាល់ថា សំណើសុំអាវុធ និងគ្រាប់រំសេវ ក៏ដូចជាសម្ភារៈការពារជាតិពីសំណាក់ប្រទេសអ៊ុយក្រែនដើម្បីយកទៅប្រើប្រាស់លើសមរភូមិជាមួយរុស្ស៊ី គឺស្ថិតក្នុងបរិមាណដ៏ច្រើន និងលើសពីសមត្ថភាពផលិតរបស់សម្ព័ន្តមិត្តរបស់យើងហើយ ។

លោក Bauer បាននិយាយនៅក្នុងសន្និសីទសារព័ត៌មានមួយក្នុងប្រទេសន័រវេសកាលពីថ្ងៃសៅរ៍ថា “បរិមាណនៃអាវុធ និងគ្រាប់រំសេវដែលអ៊ុយក្រែនត្រូវការគឺមានទំហំធំ ហើយបរិមាណក៏ច្រើនទៅទៀត ដូច្នេះការប្រើប្រាស់លើសមរភូមិប្រយុទ្ធរបស់អ៊ុយក្រែន គឺហួសពីដែនសមត្ថភាពផលិតរបស់យើង” ។
ទោះយ៉ាងណា ប្រធានគណៈកម្មាធិការយោធារូបនេះក៏បានព្រមានផងដែរថា ប្រទេសណាតូដែលសម្រេចចិត្តផ្គត់ផ្គង់សព្វាវុធ និងគ្រាប់រំសេវដល់អ៊ុយក្រែន ត្រូវតែគិតអំពីហានិភ័យសម្រាប់សន្តិសុខប្រទេសខ្លួនឯងផងដែរ ។ ជាពិសេសលោកបានអំពាវនាវឲ្យប្រទេសណាតូដោះស្រាយបញ្ហានៃការបង្កើនសមត្ថភាពផលិតក្នុងវិស័យការពារជាតិឲ្យកាន់តែលឿន និងមានប្រសិទ្ធភាព ។
ពាក់ព័ន្ធនឹងបញ្ហានេះដែរ រដ្ឋាភិបាលទីក្រុងមូស្គូបានថ្កោលទោសការផ្គត់ផ្គង់សម្ភារៈយោធាបរទេសដល់អ៊ុយក្រែន ។ នៅខែមេសា ឆ្នាំ ២០២២ រុស្ស៊ីបានផ្ញើកំណត់ទូតមួយទៅកាន់ប្រទេសណាតូទាំងអស់អំពីបញ្ហាការផ្គត់ផ្គង់អាវុធដល់អ៊ុយក្រែន ហើយរដ្ឋមន្ត្រីការបរទេសរុស្ស៊ី លោក Sergey Lavrov ថែមទាំងបានព្រមានថា រាល់ទំនិញដែលផ្ទុកអាវុធសម្រាប់អ៊ុយក្រែន នឹងក្លាយជាគោលដៅវាយប្រហារស្របច្បាប់សម្រាប់រុស្ស៊ី ៕

ប្រែសម្រួលដោយ ៖ ជីវន្ត
ប្រភព ៖ Sputnik

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ