ព័ត៌មានអន្ដរជាតិ
នាយករដ្ឋមន្ត្រី ថៃ ពិចារណារើទៅរស់នៅក្នុងវិមានរដ្ឋាភិបាលដើម្បីងាយស្រួលធ្វើការ និងកុំឲ្យពលរដ្ឋស្ទះចរាចរណ៍
នាយករដ្ឋមន្ត្រីថ្មីរបស់ថៃលោក សេតថា ថាវីស៊ីន បាននិយាយថា លោកកំពុងតែគិតពិចារណាអំពីការផ្លាស់ទៅរស់នៅនៅក្នុងវិមានរដ្ឋាភិបាលដើម្បីងាយស្រួលក្នុងការធ្វើការងារ ជាពិសេសដើម្បីសម្រួលការកកស្ទះចរាចរណ៍ប្រចាំថ្ងៃរបស់ប្រជាពលរដ្ឋ ដែលបណ្ដាលមកពីការបិទផ្លូវលើក្បួនធ្វើដំណើររបស់លោក ។

លោក សេតថា បានប្រាប់កាសែត The Standard ក្នុងបទសម្ភាសន៍មួយថា បច្ចុប្បន្នលំនៅឋានរបស់លោកគឺស្ថិតនៅចំកណ្ដាលទីក្រុងបាងកក ដូច្នេះក្បួនធ្វើដំណើរទាំងទៅ និងមកកន្លែងធ្វើការ អាចនឹងធ្វើឲ្យចរាចរណ៍កាន់តែកកស្ទះ ។ ជាងនេះទៅទៀត ការរើទៅរស់នៅវិមានរដ្ឋាភិបាលនឹងកាត់បន្ថយថ្លៃចំណាយលើក្បួនធ្វើដំណើរ និងសន្សំសំចៃប្រេងសាំងជាដើម ។
ទន្ទឹមនោះ លោក Chai Watcharong អ្នកនាំពាក្យរដ្ឋាភិបាលបានប្រាប់ប្រព័ន្ធផ្សព្វផ្សាយថា លោក សេតថា បានស្នើឲ្យសមាជិកគណៈរដ្ឋមន្ត្រីកាត់បន្ថយចំនួនប្រាក់របស់អ្នកជាប់ពន្ធដែលបានចំណាយលើការធ្វើដំណើររបស់ពួកគេ និងកាត់បន្ថយចំនួន ក៏ដូចជាទំហំនៃក្បួនធ្វើដំណើរផងដែរ ។
គួរបញ្ជាក់ថា មុនពេលឡើងកាន់តំណែងជាផ្លូវការ លោកនាយករដ្ឋមន្ត្រីថៃរូបនេះចង់ជួសជុលបន្ទប់មួយចំនួននៅក្នុងអគារ Pakdibodin ដែលស្ថិតនៅក្នុងបរិវេណវិមានរដ្ឋាភិបាល ហើយប្រែក្លាយកន្លែងទាំងនោះទៅជា “បន្ទប់សម្រាកលំហែកាយ” ៕

ប្រែសម្រួលដោយ ៖ ជីវ័ន្ត
ប្រភព ៖ Thai PBS
ចុចអាន ៖ ថៃ នឹងដំឡើងប្រាក់ឈ្នួលប្រចាំថ្ងៃសម្រាប់កម្មករនៅក្នុងខែវិច្ឆិកា

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ