ព័ត៌មានអន្ដរជាតិ
លោកខាងលិច ប្រាប់ អ៊ុយក្រែន ឲ្យប្ដូរយុទ្ធសាស្ត្រវាយបកលើ រុស្ស៊ី បើចង់ឈ្នះ
មន្ត្រីការពារជាតិលោកខាងលិចដែលសុំមិនបញ្ចេញឈ្មោះម្នាក់បានប្រាប់ទៅដល់រដ្ឋាភិបាលអ៊ុយក្រែនចាំបាច់ត្រូវតែផ្លាស់ប្ដូរយុទ្ធសាស្ត្រ ក៏ដូចជារង់ចាំពេលវេលាដែលសមស្របសម្រាប់ប្រតិបត្តិការវាយបកប្រឆាំងនឹងកងកម្លាំងប្រដាប់អាវុធរុស្ស៊ី ប្រសិនបើពួកគេចង់ទទួលបានជ័យជម្នះ ។

មន្ត្រីការពារជាតិរូបនោះបានលើកឡើងថា រដ្ឋាភិបាលរបស់លោក Volodymyr Zelensky គួរតែរង់ចាំរហូតទៅដល់សប្ដាហ៍ទី ២ នៃខែតុលា ឬផុតខែតុលាតែម្ដង ទើបអាចធ្វើការវាយបកទៅលើកងកម្លាំងរបស់រុស្ស៊ីបាន ដោយសារតែស្ថានភាពអាកាសធាតុ ។
មន្ត្រីការពារជាតិបាននិយាយថា ម្យ៉ាងទៀតលក្ខខណ្ឌអាកាសធាតុក៏នឹងកាន់តែអាក្រក់ទៅៗផងដែរនៅមុនខែវិច្ឆិកា ដោយដីធម្មតាប្រែក្លាយជាភក់ស្អិត ធ្វើឲ្យពិបាកសម្រាប់រថពាសដែកធុនធ្ងន់ក្នុងការចល័ត ដូច្នេះកងកម្លាំងអ៊ុយក្រែនគួរតែផ្តោតលើការការពារហេដ្ឋារចនាសម្ព័ន្ធរបស់ពួកគេពីការវាយប្រហារដោយយន្តហោះគ្មានមនុស្សបើក និងកាំជ្រួចមីស៊ីលរបស់រុស្ស៊ីក្នុងរដូវរងារវិញទៅ ។

គួរបញ្ជាក់ថា រុស្ស៊ីបានចាប់ផ្តើមប្រតិបត្តិការសឹករបស់ខ្លួនទៅលើប្រទេសអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ ២០២២ ខណៈក្រោយមករដ្ឋាភិបាលទីក្រុងកៀវក៏បានចាប់ផ្តើមប្រតិបត្តិការវាយបកទៅលើកងកម្លាំងទីក្រុងមូស្គូវិញនៅដើមខែមិថុនា ។
ទោះយ៉ាងណា ៣ ខែក្រោយមក ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយថា ការវាយលុករបស់អ៊ុយក្រែនបានរងបរាជ័យ ហើយកម្លាំងទ័ពរបស់រដ្ឋាភិបាលទីក្រុងកៀវប្រមាណ ៧១,០០០ នាក់បានស្លាប់ ស្របពេលដែលមន្ត្រីលោកខាងលិចមួយចំនួនក៏បានសារភាព និងទទួលស្គាល់ផងដែរថា ការវាយលុករបស់អ៊ុយក្រែនពិតជាមិនទទួលបានផ្លែផ្កាមែន ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៦ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី