គូស្នេហ៍ឥណ្ឌូណេស៊ី យកភ្លើងគប់ថត Pre-Wedding បង្កជាអគ្គិភ័យឆេះព្រៃ

គូស្នេហ៍មួយគូក្នុងប្រទេស ឥណ្ឌូណេស៊ី ចង់ថតរូបអាពាហ៍ពិពាហ៍ដែលមានភ្លើងនិងផ្សែង ប៉ុន្តែដោយការមិនយកចិត្តទុកដាក់ចំពោះសុវត្ថិភាព ទើបបណ្ដាលឲ្យឆេះព្រៃនៅឧទ្យានជាតិ Mount Bromo ។

ពេលភ្លើងឆេះ ក្រុមថត និងគូស្នេហ៍ទាំង ២ មិនបានអើពើអ្វីទាល់តែសោះ រហូតភ្លើងឆេះដល់ទៅ ៥០ ហិតាឯណោះ ។ ជាលទ្ធផល កូនកំលោះត្រូវប៉ូលិសឥណ្ឌូណេស៊ីចាប់ខ្លួន ព្រោះ Mount Bromo ជាតំបន់អភិរក្ស ដែលមិនអនុញ្ញាតឲ្យនរណាចូលទៅឡើយ ។

ប៉ូលិសបានឲ្យដឹងថា “អ្នកចូលត្រូវបង់ប្រាក់ ហើយរាល់ឧបករណ៍ដែលនាំចូលទៅក្នុងតំបន់អភិរក្សត្រូវប្រាប់ប៉ូលិស ។”

គួរបញ្ជាក់ដែលថា ក្រុមអ្នកពន្លត់អគ្គីភ័យបានចំណាយពេលជាច្រើនថ្ងៃដើម្បីពន្លត់ភ្លើងដែលកំពុងឆាបឆេះ ។ បន្ថែមពីលើនេះ កូនកំលោះកំពុងប្រឈមមុខនឹងការជាប់ពន្ធនាគាររហូតដល់ ៥ ឆ្នាំ ព្រមទាំងពិន័យជាប្រាក់ចំនួន ៩៧ ២៤៨.៨៩ ដុល្លារទៀតផង ប្រសិនបើត្រូវបានផ្តន្ទាទោស ៕

ប្រែសម្រួល៖ វារី

ប្រភព៖ worldofbuzz

ចុចអាន៖ វីដេអូមួយ ត្រូវគេសង្ស័យថា ជាដើមហេតុបង្កភ្លើងឆេះព្រៃដ៏សាហាវនៅ ហាវ៉ៃ