ព័ត៌មានអន្ដរជាតិ

លោកសេតថា និងអភិបាលបាងកក រួមគ្នាដោះស្រាយការកកស្ទះចរាចរណ៍ក្នុងក្រុង

បានផុស

២ years មុន

នៅ

ថ្ងៃអង្គារ ១៩ កញ្ញា ២០២៣

ដោយ

អភិបាលក្រុងបាងកកបានជួបជាមួយលោកនាយករដ្ឋមន្ត្រីថ្មី សេតថា ថាវីស៊ីន និងស្នើឲ្យរដ្ឋាភិបាលសម្របសម្រួលកិច្ចសហប្រតិបត្តិការដោះស្រាយវិបត្តិចរាចរណ៍-ធូលី PM2.5-មគ្គុទ្ទេសបោកប្រាស់ដែលទាញយកប្រយោជន៍ពីភ្ញៀវទេសចរណ៍ ហើយប៉ះពាល់ដល់សេដ្ឋកិច្ចនិងបញ្ហាខ្សែបណ្តាញទំនាក់ទំនង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១៨ ខែកញ្ញា ឆ្នាំ ២០២៣ លោកអភិបាលក្រុងបាងកក Chatchart Sitthiphan បានបង្ហាញពីជំនួបរបស់លោកជាមួយលោកសេតថា នៅវិមានរដ្ឋាភិបាល ដោយក្នុងនោះលោកបានលើកបញ្ហាជាច្រើនដែលបានស្នើសុំដំណោះស្រាយ ខណៈនេះជាលើកទីពីរហើយដែលអ្នកទាំងពីរជួបពិភាក្សាគ្នា។

លោកសេតថាបាននិយាយយ៉ាងដូច្នោះថា “ខ្ញុំបានពិភាក្សាជាមួយឯកអគ្គរដ្ឋទូតរួចហើយ។ បើតាមស្ថានទូតនានាបញ្ជាក់ថា រឿងដែលភ្ញៀវទេសចរត្អូញត្អែរបំផុត គឺនិយាយអំពីការធ្វើដំណើរ រួមទាំងបញ្ហាឡានតាក់ស៊ីបោកប្រាស់, ម៉ូតូកង់បីបន្លំ, រថយន្តដែលជំរិតនិងបោកប្រាស់ភ្ញៀវ។ បញ្ហានេះ រដ្ឋបាលក្រុងបាងកកមិនអាចចាប់ខ្លួនបានទេ។ ព្រោះវាហួសដែនសមត្ថកិច្ចរបស់ទីក្រុងបាងកក ប៉ុន្តែបើបញ្ហាត្រូវបានគ្រប់វិស័យ ទាំងប៉ូលិសទេសចរណ៍ តាមរយៈការលុបបំបាត់មគ្គុទ្ទេសក៍ខ្មោច តាក់ស៊ីខ្មោច និងរ៉ឺម៉កកង់បីដែលបន្លំតម្លៃ រូបភាពនឹងប្រសើរឡើងក្នុងន័យកិច្ចសហប្រតិបត្តិការដែលមិនពិបាក និងមិនត្រូវការការវិនិយោគ ឬប្រើលុយ។ ប៉ុន្តែពឹងផ្អែកលើគោលនយោបាយកាន់តែច្បាស់”។

លោកនាយករដ្ឋមន្ត្រីបានថ្លែងថាបន្ថែមទៀតថា កាតព្វកិច្ចរបស់រដ្ឋាភិបាលគឺគាំទ្រអភិបាល Chatchart យ៉ាងពេញទំហឹង ដើម្បីដោះស្រាយបញ្ហា។ យ៉ាងហោចណាស់ អ្វីដែលអាចធ្វើបាន ត្រូវធ្វើវាជាមុនសិន។ ដែលអាចប្រើថវិកាតិចតួច ឬមិនចាំបាច់ប្រើថវិកាទាល់តែសោះ។

ទោះជាយ៉ាងណា នាយករដ្ឋមន្ត្រីបានបង្ហោះសារតាម Twitter បន្ទាប់ពីពិភាក្សាជាមួយលោក Chatchat លោកបានមានប្រសាសន៍ថា “រដ្ឋាភិបាលនឹងបង្កើតគណៈកម្មាធិការមួយដើម្បីជំរុញការអភិវឌ្ឍទីក្រុងបាងកក។ ដែលគណៈកម្មាធិការមិនមានសិទ្ធិចេញបញ្ជា ប៉ុន្តែនឹងបន្តតាមដាន និងជំរុញបញ្ហាទៅមុខ ជាពិសេសបញ្ហាបន្ទាន់។

យ៉ាងណាមិញ ក្រោយជាប់ឆ្នោតលោកសេតថាបានបង្ហាញពីគោលនយោបាយរបស់នាយករដ្ឋមន្ត្រី នឹងផ្តោតលើទាំងរយៈពេលខ្លី និងរយៈពេលវែង ដែលរយៈពេលវែងគឺជាការផ្លាស់ប្ដូររចនាសម្ព័ន្ធ។ ប៉ុន្តែក្នុងនោះត្រូវរកវិធីដោះស្រាយបញ្ហាបច្ចុប្បន្នផងដែរ៕