ព័ត៌មានអន្ដរជាតិ
ថៃ ដាក់ចេញគោលនយោបាយការបរទេសថ្មី គឺចុះពិនិត្យជីវភាពរស់នៅរបស់ពលរដ្ឋតាមព្រំដែនជាមួយ កម្ពុជា
រដ្ឋមន្ត្រីការបរទេសថៃលោក Parnpree Bahiddha-Nukara បានដាក់ចេញនូវគោលនយោបាយលើកដំបូងរបស់ខ្លួន បន្ទាប់ពីអមដំណើរលោកនាយករដ្ឋមន្ត្រី សេតថា ថាវីស៊ីន ទៅចូលរួមមហាសន្និបាតអង្កការសហប្រជាជាតិ (UN) នៅទីក្រុងញូវយ៉កក្នុងសប្ដាហ៍នេះរួចហើយ ។

លោក Parnpree បានលើកឡើងថា រឿងដំបូងដែលលោកគ្រោងនឹងធ្វើសម្រាប់គោលនយោបាយថ្មីរបស់ក្រសួងការបរទេសថៃ បន្ទាប់ពីអមដំណើរលោកនាយករដ្ឋមន្ត្រីហើយនោះ គឺការចុះទៅសួរសុខទុក្ខប្រជាពលរដ្ឋនៅតាមព្រំដែន ថៃ-កម្ពុជា ដើម្បីស្វែងយល់ និងពិនិត្យមើលពីជីវភាពរស់នៅ ក៏ដូចជាសេចក្ដីត្រូវការ និងក្ដីរំពឹងទុករបស់ពួកគេមកលើរដ្ឋាភិបាលថ្មី ។
លោករដ្ឋមន្ត្រីការបរទេសបញ្ជាក់ទៀតថា លោកមានបំណងប្រើប្រាស់ការទូតសាធារណៈទាំងនេះដើម្បីភ្ជាប់ទំនាក់ទំនងជាមួយប្រជាជនថៃ ដូច្នេះគោលនយោបាយការបរទេសថ្មីនេះអាចប្រើប្រាស់ជាឧបករណ៍ដើម្បីជួយលើកកម្ពស់ជីវភាពរស់នៅរបស់ប្រជាពលរដ្ឋនៅតាមព្រំដែន ។

លោក Parnpree បានសង្កត់ធ្ងន់ថា ក្រៅពីទំនាក់ទំនងការទូតជិតស្និទ្ធជាមួយប្រជាពលរដ្ឋហើយ បញ្ហាសន្តិសុខ សេដ្ឋកិច្ច និងបច្ចេកវិទ្យាក៏ជាធាតុថ្មីដែលត្រូវដាក់បញ្ចូលទៅក្នុងគោលនយោបាយការបរទេសរបស់ប្រទេសផងដែរ ជាពិសេសបញ្ហាសន្តិសុខអាចជាអាទិភាពចម្បងសម្រាប់ប្រជាពលរដ្ឋ ។
ជាចុងក្រោយលលោករដ្ឋមន្ត្រីក៏បានរំឭកឡើងវិញនូវការអំពាវនាវរបស់លោកនាយករដ្ឋមន្ត្រី សេតថា ថាវីស៊ីន ឲ្យអ្នកការទូតថៃបំពេញមុខងារជាអ្នកលក់ផងដែរ ដើម្បីជួយលើកកម្ពស់ផលប្រយោជន៍សេដ្ឋកិច្ច និងពាណិជ្ជកម្មរបស់ប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ Thai PBS

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ