ព័ត៌មានអន្ដរជាតិ
តើកូនស្រីលោក ថាក់ស៊ីន លើកឡើងបែបណាខ្លះ បើបានកាន់តំណែងជាប្រធានបក្សភឿថៃ?
បច្ចុប្បន្នតំណែងជាប្រធានបក្សភឿថៃកំពុងនៅទំនេរនៅឡើយ បន្ទាប់ពីលោក Cholnan Srikaew បានលាលែងពីតំណែងកាលពីថ្ងៃទី៣០ ខែសីហា ក្រោយពេលដែលខុសមាត់ខុសកទៅនឹងការសន្យារបស់លោក អំឡុងយុទ្ធនាការឃោសនាបោះឆ្នោត ខណៈកូនស្រីលោក ថាក់ស៊ីន ត្រូវបានគេមើលឃើញថាស័ក្តិសមនឹងតំណែងមួយនេះ ។

ពាក់ព័ន្ធនឹងបញ្ហានេះដែរ លោកស្រី ផេថងថាន ស៊ីណាវ៉ាត់ត្រា បានលើកឡើងថា លោកស្រីត្រៀមខ្លួនរួចជាស្រេចដើម្បីធ្វើជាប្រធានគណបក្សភឿថៃ ប្រសិនបើសមាជិកបក្សជ្រើសរើសលោកស្រីឲ្យបន្តតំណែងនេះជំនួសលោក Cholnan Srikaew ។
ថ្លែងក្នុងពិធីប្រារព្ធខួបលើកទី ១៦ នៃការបង្កើតបក្សនៅទីស្នាក់ការកណ្ដាលរបស់បក្សភឿថៃ លោកស្រី ផេថងថាន បានបញ្ជាក់ថា “ខ្ញុំនឹងទទួលយកការសម្រេចចិត្តទាំងអស់របស់សមាជិកគណបក្ស ប៉ុន្តែប្រសិនបើមានបេក្ខជនណាទៀតដែលស័ក្តិសមជាងខ្ញុំសម្រាប់ធ្វើជាមេបក្ស ខ្ញុំក៏សុខចិត្តដែរ” ។

លោកស្រីសង្កត់ធ្ងន់ថា “ទោះជាយ៉ាងនេះក្តី ប្រសិនបើគណបក្សជ្រើសរើសខ្ញុំជាប្រធានបក្សថ្មី ខ្ញុំនឹងរីករាយទទួលយកការតែងតាំងនេះ” ។ ទន្ទឹមនោះ លោកស្រីថែមទាំងបានប្តេជ្ញាចិត្តក្នុងការសម្រេចឲ្យបាននូវគោលដៅរបស់គណបក្សផងដែរក្នុងការធ្វើជាអ្នកដឹកនាំមួយនេះ ។
គួរបញ្ជាក់ថា កូនស្រីលោក ថាក់ស៊ីន វ័យ ៣៧ ឆ្នាំរូបនេះមិនមានតំណែងណាមួយនៅក្នុងជួរគណៈរដ្ឋមន្ត្រីក្រោមការដឹកនាំរបស់លោក សេតថា ថាវីស៊ីន នាយករដ្ឋមន្ត្រីថ្មីរបស់ថៃនោះទេ ខណៈលោក Cholnan ដែលលាលែងពីប្រធានគណបក្សទទួលបានតំណែងជារដ្ឋមន្ត្រីក្រសួងសុខភាពសាធារណៈ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ ថៃ ដាក់ចេញគោលនយោបាយការបរទេសថ្មី គឺចុះពិនិត្យជីវភាពរស់នៅ របស់ពលរដ្ឋតាមព្រំដែនជាមួយ កម្ពុជា

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ