ព័ត៌មានអន្ដរជាតិ

រុស្ស៊ី ថា លោក Zelensky ទៅ អាមេរិក ដើម្បីសុំលុយពីលោកខាងលិច

បានផុស

១ year មុន

នៅ

ថ្ងៃពុធ ២០ កញ្ញា ២០២៣

ដោយ

អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានលើកឡើងថា ការធ្វើដំណើររបស់លោកប្រធានាធិបតីអ៊ុយក្រែន Volodymyr Zelensky ទៅកាន់សហរដ្ឋអាមេរិក គឺដើម្បីសុំលុយ និងអាវុធថ្មីៗពីលោកខាងលិច ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកការទូតរូបនេះបាននិយាយនៅក្នុងសន្និសីទសារព័ត៌មានមួយថា ឥឡូវនេះលោក Zelensky កំពុងស្ថិតនៅសហរដ្ឋអាមេរិក ហើយច្បាស់ណាស់ថា ជំនួបរវាងប្រធានាធិបតីអ៊ុយក្រែនរូបនេះជាមួយលោកប្រធានាធិបតីអាមេរិក Joe Biden, លោក Zelensky នឹងអង្វរសុំបងធំអាមេរិកនូវអាវុធ ក៏ដូចជាលុយជាដើម ។

បច្ចុប្បន្នលោក Zelensky កំពុងស្ថិតក្នុងទីក្រុងញូវយ៉កដើម្បីចូលរួមសម័យប្រជុំនៃមហាសន្និបាតអង្គការសហប្រជាជាតិ (UNGA) លើកទី ៧៨ ហើយប្រធានាធិបតីអ៊ុយក្រែនរូបនេះក៏គ្រោងនឹងជួបជាមួយថ្នាក់ដឹកនាំសហរដ្ឋអាមេរិក និងប្រទេសមួយចំនួនទៀតផងដែរ ។

ក្នុងការបង្ហាញខ្លួនដោយផ្ទាល់លើកដំបូងនៅឯមហាសន្និបាត ចាប់តាំងពីប្រទេសត្រូវរុស្ស៊ីបើកប្រតិបត្តិការសឹកមក លោក Zelensky បានព្រមានថា រុស្ស៊ីកំពុងប្រើប្រាស់ការផ្គត់ផ្គង់ស្បៀងអាហារ និងថាមពល ជាពិសេសព្យាយាមប្រែក្លាយអ៊ុយក្រែនទៅជាអាវុធប្រឆាំងនឹងពិភពលោក ហើយជាលទ្ធផលពិភពលោកទាំងមូលនឹងត្រូវរងទុក្ខ ។

ទន្ទឹមនោះ ការថ្លែងផ្ទាល់របស់លោក Zelensky គឺស្របគ្នាទៅនឹងការលើកឡើងរបស់លោក Biden ដែលបានជំរុញដល់មេដឹកនាំពិភពលោកឲ្យរក្សាជំហររឹងមាំគាំទ្ររដ្ឋាភិបាលទីក្រុងកៀវ ខណៈនៅក្នុងសម័យប្រជុំមហាសន្និបាតកាលពីឆ្នាំមុនប្រធានាធិបតីអ៊ុយក្រែនរូបនេះបានផ្តល់សារតាមរយៈវីដេអូប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ មហាសន្និបាត UN ថ្ងៃទី១៖ មេដឹកនាំពិភពលោក ចេញការព្រមានខ្លាំងៗ