ព័ត៌មានអន្ដរជាតិ
ធ្លាយវីដេអូមួយទៀត គ្រូបង្រៀនមីយ៉ាន់ម៉ាកំពុងតែរាំមិនដឹងថា រដ្ឋប្រហារផ្ទុះឡើងនៅក្រោយខ្នង
គ្រូបង្ហាត់រាំឈ្មោះ Khing Hnin Wai តែងតែថតខ្លួនឯងសម្តែងក្បាច់រាំតាមដងផ្លូវនៅរដ្ឋធានីប្រទេសមីយ៉ាន់ម៉ាអស់រយៈពេលជាច្រើនខែមកហើយ ។ ប៉ុន្តែមិនមានវីដេអូណាមួយរបស់នាងត្រូវបានគេមើលឃើញថាមានភាពមិនប្រក្រតីដូចវីដេអូដែលនាងបានបង្ហោះកាលពីថ្ងៃចន្ទនោះទេដែលក្នុងនោះនាងបានថតជាប់រដ្ឋប្រហារយោធាដោយមិនដឹងខ្លួននៅខាងក្រោយខ្នង ។
![](https://www.kampucheathmey.com/wp-content/uploads/2021/02/Dancing.jpg)
នៅក្នុងវីដេអូនោះនាងត្រូវបានគេមើលឃើញថាកំពុងរាំយ៉ាងស្វាហាប់តាមចង្វាក់ភ្លេងរួមជាមួយនឹងសម្លៀកបំពាក់ហាត់ប្រាណ និងពាក់ម៉ាសដែលមើលទៅហាក់ដូចជាមិនសមនឹងក្បួនរថយន្តពណ៌ខ្មៅដែលកំពុងធ្វើដំណើរនៅពីក្រោយខ្នងនាង នៅពេលដែលយោធាមីយ៉ាន់ម៉ាដណ្តើមបានការគ្រប់គ្រងរដ្ឋាភិបាល ។
![](https://www.kampucheathmey.com/wp-content/uploads/2021/02/dancing-1.jpg)
នាង Khing Hnin Wai បានបង្ហោះវីដេអូដែលមានរយៈពេលជិត ៣ នាទីកន្លះលើទំព័រហ្វេសប៊ុកគ្រូបង្រៀនអប់រំកាយរបស់នាង ។ វីដេអូរបស់នាងលើហ្វេសប៊ុកមានអ្នកដាក់សញ្ញា Reactions ជាង ៦៧,០០០ នាក់ ហើយក៏ត្រូវបានផ្សព្វផ្សាយពាសពេញបណ្តាញសង្គមផ្សេងទៀតផងដែរដែលក្នុងនោះនៅក្នុងបណ្ដាញ Twitter ទទួលបានអ្នកចុច Like ជិត ៦០,០០០ នាក់ និងចុច Retweet ២៥,០០០ នាក់ ។
![](https://www.kampucheathmey.com/wp-content/uploads/2021/02/dancing-2.jpg)
យោងតាមសារព័ត៌មាន Al Jazeera បានឲ្យដឹងថា នាងបានសរសេរនៅលើបណ្តាញសង្គមហ្វេសប៊ុកថា “មុនពេលដែលខ្ញុំបានឮព័ត៌មាននេះនៅពេលព្រឹក វីដេអូដែលខ្ញុំបានធ្វើសម្រាប់រាំហាត់ប្រាណតាមចង្វាក់ភ្លេងបានក្លាយជាការចងចាំដែលមិនអាចបំភ្លេចបាន” ។
គួររម្លឹកសាជាថ្មីថា ប្រទេសមីយ៉ាន់ម៉ាស្ថិតនៅក្រោមការគ្រប់គ្រងរបស់យោធា បន្ទាប់ពីរដ្ឋប្រហារកាលពីថ្ងៃចន្ទដែលយោធាបានឃុំខ្លួនមេដឹកនាំលោកស្រី អ៊ុងសាន ស៊ូជី និងបានប្រកាសដាក់ប្រទេសក្នុងស្ថានភាពអាសន្នរយៈពេលមួយឆ្នាំពេញ ខណៈយោធាអះអាងថា គណបក្សរបស់លោកស្រី អ៊ុងសាន ស៊ូជី បានឈ្នះការបោះឆ្នោតកាលពីខែវិច្ឆិកាឆ្នាំមុនដោយសារតែការក្លែងបន្លំ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ មេដឹកនាំរដ្ឋប្រហារមីយ៉ាន់ម៉ាប្រាប់រដ្ឋបាលថ្មីខ្លួនថា ការកាន់អំណាចរបស់កងទ័ពគឺជៀសមិនរួចទេ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?