អ្នកដំណើរមួយក្រុមហូបក្ដាមអស់ជាង ៣ គីឡូក្រាមនៅ សិង្ហបុរី ពេលគិតលុយទើបតក់ស្លុត

អ្នកដំណើរជនជាតិជប៉ុនមួយក្រុមហូបក្ដាមជាង ៣ គីឡូក្រាមនៅហាង Seafood Paradise ក្នុងប្រទេសសិង្ហបុរី ដល់ពេលគិតលុយអស់ប្រហែល ១០០០ ដុល្លារ ទើបប្ដឹងប៉ូលិសតែម្ដង ។

ម្នាក់ក្នុងចំណោមពួកគេនិយាយថា បុគ្គលិកមិនបានប្រាប់នាងឲ្យច្បាស់លាស់ពីតម្លៃនៃអាហារនោះទេ ។ ជាការពិតណាស់ បុគ្គលិកបានប្រាប់ Shinba ថាក្ដាមមានតម្លៃ ២០ ដុល្លារ ប៉ុន្តែមិនបញ្ជាក់ជាតម្លៃក្នុងមួយខាំឡើយ ។

Junko Shinba ដែលជាអ្នកដំណើរវ័យ ៥០ ម្នាក់ ប្រាប់សារព័ត៌មាន AsianOne ថា អ្នករត់តុណែនាំអាហារដល់ពួកគេ ប៉ុន្តែម្ហូបនោះគេធ្វើដោយក្ដាមយក្ស មិនមែនក្ដាមធម្មតាដូចម្ហូបដែលនាងរំពឹងទុកទេ ។

ជាមួយគ្នានេះដែរ ហាងអាហារសមុទ្រមានឈ្មោះថា Seafood Paradise នៅតែអះអាងថា ពួកគេបានពន្យល់ពីតម្លៃម្ហូបទៅក្រុម Shinba រួចហើយ ។ យ៉ាងណា Shinba បានស្នើសុំខាងហាងឲ្យហៅប៉ូលិសមកដោះស្រាយ និងទទួលបានការបញ្ចុះតម្លៃ ៧៨ ដុល្លារផងដែរ ៕

ប្រែសម្រួល៖ វារី

ប្រភព៖ Insider

ចុចអាន៖ មូលហេតុ ១០ ចំណុច ធ្វើឲ្យស្ដេចក្ដាមមានតម្លៃថ្លៃលើសគេ