ព័ត៌មានអន្ដរជាតិ
ដូណាល់ ត្រាំ ថា លោកនឹងកេនទាហានទៅព្រំដែន អាមេរិក-ម៉ិកស៊ិក បើជាប់ឆ្នោតសាជាថ្មី
អតីតប្រធានាធិបតីអាមេរិកលោក ដូណាល់ ត្រាំ បាននិយាយកាលពីពេលថ្មីៗនេះថា ប្រសិនបើលោកជាប់ឆ្នោតម្តងទៀត លោកនឹងរុះរើធនធាននៅក្នុងភ្នាក់ងារអនុវត្តច្បាប់សហព័ន្ធ ហើយកេនកងទ័ពរាប់ពាន់នាក់ដែលកំពុងឈរជើងនៅក្រៅប្រទេសឲ្យទៅការពារនៅព្រំដែនសហរដ្ឋអាមេរិក និងម៉ិកស៊ិក ។

ថ្លែងទៅកាន់អ្នកគាំទ្ររបស់គណបក្សសាធារណៈរដ្ឋនៅរដ្ឋ Iowa សម្រាប់ការបោះឆ្នោតឆ្នាំ ២០២៤ លោក ត្រាំ ក៏បានសន្យាផងដែរថា នឹងពង្រីកបន្ថែមសម្រាប់ការហាមឃាត់ការធ្វើដំណើរចំពោះប្រជាពលរដ្ឋមកពីប្រទេសមូស្លីមចូលមកកាន់សហរដ្ឋអាមេរិក ខណៈច្បាប់នេះលោកធ្លាប់ដាក់ចេញរួចទៅហើយ ក្នុងអំឡុងពេលអាណត្តិប្រធានាធិបតីឆ្នាំ ២០១៧ ដល់ឆ្នាំ ២០២១ ។
ទន្ទឹមនោះ លោក ត្រាំ ក៏បានស្ដីបន្ទោសចំពោះការឆ្លងចូលដោយខុសច្បាប់នៅតាមព្រំដែនអាមេរិក និងម៉ិកស៊ិកក្រោមការដឹកនាំរបស់រដ្ឋបាលលោកប្រធានាធិបតីបច្ចុប្បន្ន ចូ បៃដិន ផងដែរថាកំពុងរំលោភបំពានច្បាប់ប្រទេស ។
លោក ត្រាំ បាននិយាយនៅឯការជួបជុំមួយនៅទីក្រុង Dubuque ថា “នៅថ្ងៃសម្ពោធឡើងកាន់តំណែងជាផ្លូវការ ខ្ញុំនឹងបញ្ចប់ភ្លាមៗនូវរាល់គោលនយោបាយព្រំដែនបើកទូលាយរបស់រដ្ឋបាលលោក បៃដិន ជាពិសេសខ្ញុំនឹងបញ្ជាក់ឲ្យច្បាស់ថា យើងត្រូវតែចេះប្រើធនធានណាមួយដែលចាំបាច់ដើម្បីបញ្ឈប់លំហូរជនចំណាកស្រុក រួមទាំងការចល័តកងទ័ពរាប់ពាន់នាក់ដែលបច្ចុប្បន្នកំពុងឈរជើងនៅបរទេសផងដែរ” ។

ពាក់ព័ន្ធនឹងបញ្ហានេះដែរ រដ្ឋបាលរបស់លោក បៃដិន ក៏បានចេញមកការពារគោលនយោបាយព្រំដែនរបស់ខ្លួនផងដែរ ដោយលើកឡើងថា រដ្ឋាភិបាលទីក្រុងវ៉ាស៊ីនតោនកំពុងប្រើប្រាស់គោលការណ៍ដែលមានស្រាប់ ហើយក៏បានអំពាវនាវឲ្យសភាអនុម័តច្បាប់ដើម្បីកែកុនប្រព័ន្ធដែលមិនបានការផងដែរ ។
គួរបញ្ជាក់ថា ប្រជាពលរដ្ឋភាគច្រើនដែលស្វែងរកការឆ្លងចូលព្រំដែនភាគខាងត្បូងសហរដ្ឋអាមេរិកជាមួយម៉ិកស៊ិក គឺមកពីបណ្តាប្រទេសកាន់សាសនាឥស្លាម និងនៅអាមេរិកកណ្តាល ខណៈច្បាប់ដែលលោក ត្រាំ ដាក់ចេញនេះក៏មិនទាន់ដឹងច្បាស់នឹងប្រឈមមុខឧបសគ្គផ្លូវច្បាប់ក្នុងការអនុវត្តឬក៏យ៉ាងណានោះទេ ៕

ប្រែសម្រួលដោយ ៖ ជីវ័ន្ត
ប្រភព ៖ Reuters
ចុចអាន ៖ រុស្ស៊ី និយាយនៅទីក្រុងញូវយ៉កថា អាមេរិក ជាអ្នកបញ្ឆេះវិបត្តិនៅ អ៊ុយក្រែន

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ