ព័ត៌មានអន្ដរជាតិ
ឥណ្ឌា ផ្អាកទិដ្ឋាការសម្រាប់ជនជាតិកាណាដា ខណៈជម្លោះកាន់តែក្តៅ
ប្រទេសឥណ្ឌា បានផ្អាកសេវាផ្តល់ទិដ្ឋាការ សម្រាប់ពលរដ្ឋកាណាដា ដោយសារតែអ្វីដែលខ្លួននិយាយថា ជា “ការគំរាមកំហែងសន្តិសុខ” ប្រឆាំងនឹងអ្នកការទូតនៅក្នុងប្រទេសកាណាដា ។
សកម្មភាពចុងក្រោយបំផុតនេះ បានធ្វើឲ្យជម្លោះរវាងប្រទេសទាំងពីរ កាន់តែក្តៅគគុកឈានដល់កម្រិតថ្មីមួយទៀត បន្ទាប់ពីទីក្រុងអូតាវ៉ា ចោទប្រកាន់ទីក្រុង ញូវដែលី ថានៅពីក្រោយ ការធ្វើឃាតសកម្មជនបំបែកខ្លួន Sikh លើទឹកដីរបស់ខ្លួន។
BLS International ដែលគ្រប់គ្រងការស្នើសុំទិដ្ឋាការសម្រាប់ប្រទេសឥណ្ឌា ក្នុងប្រទេសកាណាដា បានផ្ញើលិខិតមួយទៅកាន់ផ្សារហ៊ុនឥណ្ឌា កាលពីថ្ងៃព្រហស្បតិ៍ទី២១ខែកញ្ញា ដែលនិយាយថា សេវាកម្មទិដ្ឋាការ ត្រូវបានផ្អាករហូតដល់មានការជូនដំណឹងបន្ថែម។
លិខិតដែលផ្ញើទៅផ្សារហ៊ុន Bombay, ផ្សារហ៊ុនជាតិនៃប្រទេសឥណ្ឌា និងផ្សារហ៊ុនក្រុង មានខ្លឹមសារថា “ដោយសារតែហេតុផលប្រតិបត្តិការ ដែលចូលជាធរមានភ្លាមៗ ពោលគឺថ្ងៃទី២១ខែកញ្ញាឆ្នាំ២០២៣, សេវាទិដ្ឋាការឥណ្ឌានៅប្រទេសកាណាដា ត្រូវបានផ្អាករហូតដល់មានការជូនដំណឹងបន្ថែម”។
កន្លងមក BLS International ក៏បានបញ្ជាក់នៅលើគេហទំព័ររបស់ខ្លួនដែរថា ប្រទេសឥណ្ឌា បានផ្អាកសេវាកម្មទិដ្ឋាការសម្រាប់ពលរដ្ឋកាណាដាចាប់ពីថ្ងៃព្រហស្បតិ៍ទៅ។
ស្របពេលជាមួយគ្នានោះ ក្រសួងកិច្ចការបរទេសរបស់ឥណ្ឌានិយាយថា “ការគំរាមកំហែងផ្នែកសន្តិសុខ” ដែលគណៈកម្មាធិការជាន់ខ្ពស់ និងស្ថានកុងស៊ុលឥណ្ឌានៅក្នុងប្រទេសកាណាដាកំពុងប្រឈមមុខ ជាហេតុនាំឲ្យមានវិធានការបណ្តោះអាសន្ន នៃការបញ្ឈប់ការផ្តល់ទិដ្ឋាការគ្រប់ប្រភេទទាំងអស់។
គួរបញ្ជាក់ថា ការប្រកាសនេះធ្វើឡើង បន្ទាប់ពីក្រសួងការបរទេសឥណ្ឌា ព្រមានខ្លាំងៗអំពីការធ្វើដំណើរ ដោយជំរុញឲ្យពលរដ្ឋរបស់ខ្លួន នៅកាណាដាត្រូវប្រុងប្រយ័ត្នខ្ពស់៕
ប្រែសម្រួល៖ Vann Vann
ប្រភព៖ CNN
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១១ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ