ព័ត៌មានអន្ដរជាតិ

បុរសម្នាក់ចង់ក្លាយជានាគ សុខចិត្តកាត់ប្រដាប់ភេទចោល និងដាក់ស្នែងលើក្បាល

បានផុស

១ year មុន

នៅ

ថ្ងៃសុក្រ ២២ កញ្ញា ២០២៣

ដោយ

បុរសម្នាក់បានសម្រេចក្តីសុបិនចង់ក្លាយជានាគ សុខចិត្តយល់ព្រមឲ្យគេកាត់ត្រចៀក ច្រមុះ កប់ស្នែងលើក្បាល និងវះអណ្តាតឲ្យចេញជាពីរផ្នែក ព្រមទាំងកាត់ប្រដាប់ភេទចោល ដោយមិនខ្វល់ថាមនុស្សស្អប់រូបរាងរបស់គាត់ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រព័ន្ធផ្សព្វផ្សាយបរទេស Dailystar បានរាយការណ៍អំពីបុរសម្នាក់ ដែលជាអតីតបុគ្គលិកធនាគារអាមេរិកមានសុបិនចង់ផ្លាស់ប្តូរខ្លួនទៅជានាគពិតៗ។ បុរសនោះមានឈ្មោះ Richard Hernandez ដែលត្រូវបានគេស្គាល់ថា Eva Tiamat Medusa អាយុ ៦២ ឆ្នាំ។ បុរសនេះមានទម្លាប់ចូលចិត្តសត្វរឿងព្រេងនិទានដូចជានាគ។ គាត់បានធ្វើការផ្លាស់ប្ដូរខ្លួនឯងដោយការតុបតែងរាងកាយ និងមុខឲ្យមើលទៅដូចជានាគតាមដែលអាចធ្វើទៅបាន រួមទាំងកាត់ច្រមុះ កាត់ត្រចៀក សាក់រូបនាគ រចនាលើផ្ទៃមុខ និងដងខ្លួន ប្តូរពណ៌ភ្នែក ធ្វើអណ្តាតព្រែក ហើយបានដាក់វត្ថុនៅលើក្បាលរបស់គាត់ ដើម្បីឲ្យមានរូបរាងដូចនាគពិតៗថែមទៀតផង។

Eva Tiamat Medusa បាននិយាយថា គាត់ត្រូវបានបំផុសគំនិតដោយជំនឿរបស់គាត់លើវិញ្ញាណដែលភ្ជាប់ទៅនឹងពស់ និងរឿង Harry Potter ដែលគាត់ចូលចិត្តអំពីតួអង្គ Lord Voldemort “នៅពេលដែលខ្ញុំបានឃើញ Harry Potter ហើយខ្ញុំបានឃើញ Lord Voldemort ខ្ញុំលង់ស្រលាញ់គាត់ភ្លាម។ ខ្ញុំចង់រៀបការជាមួយគាត់។ យើងនឹងបង្កើតគូស្នេហ៍ដ៏អស្ចារ្យមួយ”។

ក្នុងនោះផងដែរ បុរសរូបនេះបាននិយាយបន្ថែមទៀតថា “ប៉ុន្តែរឿងសំណព្វរបស់ខ្ញុំ ហើយចង់បានដូចគាត់ ត្រូវមកជាថ្នូរនឹងអ្វីមួយ។ ខ្ញុំមិនអាចមានច្រមុះដូចអ្នកដទៃទៀតទេ។ តែមិនអីទេ! ខ្ញុំត្រៀមខ្លួនរៀនជីវិតថ្មី។ បន្ថែមពីលើការតុបតែង រាងកាយបានផ្លាស់ប្តូរនៅលើមុខខ្ញុំបានកាត់ប្រដាប់ភេទរួចហើយ។ ប៉ុន្តែខ្ញុំមិនចង់ក្លាយជាមនុស្សស្រីទេ! ខ្ញុំចង់ក្លាយជានាគគ្មានភេទ”។

ទោះជាយ៉ាងណាក៏ដោយ មុនពេលដែលគាត់អាចទទួលបានរូបរាងដែលគាត់សុបិន ឬចូលចិត្ត គាត់ត្រូវតែឆ្លងកាត់ការឈឺចាប់រាប់មិនអស់ រួមទាំងការរិះគន់ ការបង្ហាញការស្អប់ខ្ពើមពីមនុស្ស ដែលក្នុងរឿងនេះគាត់ធ្លាប់ស្គាល់ ដឹងពីរបៀបដោះស្រាយ និងគ្រប់គ្រងរឿងទាំងនេះបានយ៉ាងល្អ រួមជាមួយនឹងការមើល វាគ្រាន់តែជាសិល្បៈនៅលើរាងកាយតែប៉ុណ្ណោះ៕