ព័ត៌មានអន្ដរជាតិ
លោក Zelensky ហោះចេញពី អាមេរិក ស្ងាត់ៗ ឥឡូវទៅដល់ កាណាដា ដោយមិនប្រកាសឲ្យដឹងជាមុន
ប្រធានាធិបតីអ៊ុយក្រែនលោក Volodymyr Zelensky បានអញ្ជើញចាកចេញពីទឹកដីនៃសហរដ្ឋអាមេរិក និងបានទៅដល់ប្រទេសកាណាដាកាលពីយប់ថ្ងៃព្រហស្បតិ៍ ក្នុងដំណើរទស្សនកិច្ចមិនប្រកាសឲ្យដឹងជាមុនដើម្បីប្រមូលការគាំទ្របន្ថែមសម្រាប់ប្រទេសរបស់គាត់ ខណៈដែលអ៊ុយក្រែននៅតែជាប់ដៃតតាំងប្រយុទ្ធជាមួយរុស្ស៊ី ។
ទន្ទឹមនោះ លោកនាយករដ្ឋមន្ត្រីកាណាដា Justin Trudeau ក៏បានទទួលស្វាគមន៍លោក Zelensky នៅព្រលានយន្តហោះទីក្រុង Ottawa ផងដែរ បន្ទាប់ពីប្រធានាធិបតីអ៊ុយក្រែនរូបនេះហោះហើរចេញពីទីក្រុងវ៉ាស៊ីនតោនសម្រាប់ដំណើរទស្សនកិច្ចមកអាមេរិកជាលើកដំបូងរបស់លោក ចាប់តាំងផ្ទុះសង្គ្រាមនៅក្នុងខែកុម្ភៈ ឆ្នាំ២០២២ ។
ប្រទេសកាណាដាគឺជាកន្លែងជ្រកកោនដ៏ធំមួយរបស់សហគមន៍អ៊ុយក្រែន ហើយរដ្ឋាភិបាលរបស់លោក Trudeau បានសន្យាគាំទ្រយ៉ាងមុតមាំ និងយូរអង្វែងសម្រាប់អ៊ុយក្រែន នៅពេលដែលរដ្ឋាភិបាលលទីក្រុងកៀវប្រយុទ្ធជាមួយកងកម្លាំងរុស្ស៊ី ។
ចំណែកនៅថ្ងៃសុក្រនេះដែរ លោក Zelensky នឹងជួបពិភាក្សាផ្លូវការជាមួយលោក Trudeau ហើយនឹងថ្លែងសុន្ទរកថាទៅកាន់សភាកាណាដា ខណៈកាលនៅទីក្រុងវ៉ាស៊ីនតោន ប្រធានាធិបតីអ៊ុយក្រែនរូបនេះបានជួបជាមួយលោកប្រធានាធិបតី Joe Biden និងមេដឹកនាំសភាផ្សេងទៀតផងដែរ ។
ស្របពេលជាមួយគ្នានេះ លោក Zelensky និងលោក Trudeau ក៏នឹងធ្វើដំណើរទៅកាន់ទីក្រុង Toronto ដើម្បីជួបជាមួយអ្នកដឹកនាំធុរកិច្ច និងសមាជិកនៃសហគមន៍ជនជាតិកាណាដាដើមកំណើតអ៊ុយក្រែនផងដែរ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Arab News
ចុចអាន ៖ អាមេរិក ប្រកាសកញ្ចប់ជំនួយយោធាថ្មី តម្លៃ១២៨លានដុល្លារ សម្រាប់អ៊ុយក្រែន
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
-
ព័ត៌មានអន្ដរជាតិ១៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?