ភ្នំភ្លើង Semeru ផ្ទុះឡើង ខណៈអាជ្ញាធរ ព្រមានប្រជាជន ឲ្យប្រយ័ត្ន

ភ្នំភ្លើង Semeru ស្ថិតនៅខេត្ត ជ្វាខាងកើត នៃប្រទេសឥណ្ឌូនេស៊ី បានផ្ទុះនៅថ្ងៃសុក្រទី២២ខែកញ្ញា ហើយអាជ្ញាធរក្នុងតំបន់ បានព្រមានប្រជាជនឲ្យនៅឆ្ងាយពីតំបន់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប៉ុស្តិ៍ត្រួតពិនិត្យភ្នំភ្លើង Semeru, ភ្នំភ្លើងនេះ បានផ្ទុះនៅម៉ោង៩និង២៣នាទីព្រឹក (ម៉ោងក្នុងស្រុក) ដោយបញ្ចេញផេះក្តៅរហូតដល់៧០០ម៉ែត្រ ពីមាត់រណ្ដៅទៅភាគអាគ្នេយ៍។

ស្របពេលជាមួយគ្នានោះដែរ អាជ្ញាធរបានអំពាវនាវដល់ប្រជាជន ឲ្យរក្សាការប្រុងប្រយ័ត្នខ្ពស់ ហើយជាពិសេស ចៀសវាងតំបន់ភាគអាគ្នេយ៍ក្នុងរង្វង់ចម្ងាយ៥គីឡូម៉ែត្រ ព្រោះអាចមានការផ្ទុះបន្ថែមទៀត។

ទោះបីជាយ៉ាងណាក៏ដោយ ភ្លាមៗ មិនទាន់មានព័ត៌មានលម្អិតអំពីទំហំនៃការខូចខាតឡើយ។

ភ្នំភ្លើង Semeru ដែលមានកម្ពស់រហូតដល់ ៣៦៧៦ ម៉ែត្រពីលើនីវ៉ូទឹកសមុទ្រ គឺនៅតែស្ថិតក្នុងកម្រិតគ្រោះថ្នាក់។ ការផ្ទុះរបស់វាកាលពីខែធ្នូឆ្នាំ២០២១ បានបណ្តាលឲ្យមនុស្សរាប់ម៉ឺននាក់ ត្រូវភៀសខ្លួនចេញពីផ្ទះ និងឆក់យកជីវិតមនុស្សជាង៥០នាក់៕

ប្រែសម្រួល៖ Vann Vann

ប្រភព៖ Xinhua

ចុចអាន៖ ភ្នំភ្លើង Sinabung ផ្ទុះខ្លាំងបំផុត បាញ់ផេះឡើងលើមេឃ កម្ពស់៥គីឡូម៉ែត្រ