ព័ត៌មានអន្ដរជាតិ
ទីក្រុងដែលរងគ្រោះដោយទឹកជំនន់នៅ លីប៊ី មួយថ្ងៃរកឃើញសាកសព ២៤៥ នាក់
រដ្ឋាភិបាលរួបរួមលីប៊ីបានប្រកាសកាលពីថ្ងៃសុក្រថា ក្រុមរុករក និងជួយសង្គ្រោះបានរកឃើញសាកសពចំនួន ២៤៥ នាក់ក្នុងរយៈពេលតែមួយថ្ងៃប៉ុណ្ណោះពីទីក្រុង Derna ដែលរងផលប៉ះពាល់ដោយទឹកជំនន់ ។

ថ្លែងទៅកាន់សារព័ត៌មាន Anadolu លោក Malik Marseet អ្នកនាំពាក្យនៃមជ្ឈមណ្ឌលជំនួយ និងវេជ្ជសាស្ត្រសង្គ្រោះបន្ទាន់លីប៊ីបាននិយាយថា សាកសពត្រូវបានរកឃើញនៅទីតាំងឆ្នេរសមុទ្រជាច្រើនក្នុងទីក្រុង Derna ខណៈប្រតិបត្តិការស្វែងរកក៏កំពុងបន្តនៅក្នុងតំបន់ឆ្នេរទាំងអស់នៃទីក្រុង Derna រួមទាំងនៅតំបន់ជ្រលងភ្នំ និងនៅក្នុងទឹកសមុទ្រផងដែរ ។
ព្យុះ “Daniel” បង្កឲ្យមានការបំផ្លិចបំផ្លាញនៅប្រទេសមេឌីទែរ៉ាណេកណ្ដាល និងបានវាយប្រហារភាគខាងកើតប្រទេសលីប៊ី កាលពីថ្ងៃទី១០ ខែកញ្ញា ដែលនាំឲ្យមានទឹកជំនន់នៅក្នុងទីក្រុងជាច្រើន រួមមាន Benghazi, Bayda, Al Marj, Suse, និង Derna ដែលបណ្តាលឲ្យស្លាប់មនុស្ស និងបាត់ខ្លួនជាច្រើននាក់ ។

បន្ទាប់ពីទឹកជំនន់នោះហើយ នាយករដ្ឋមន្ត្រីនៃរដ្ឋាភិបាលរួបរួមជាតិលោក Abdulhamid Dbeibeh បានប្រកាសកាន់ទុក្ខរយៈពេល ៣ ថ្ងៃកាលពីថ្ងៃទី១១ ខែកញ្ញា ហើយក្រុមប្រឹក្សាប្រធានាធិបតីលីប៊ីក៏បានអំពាវនាវរកជំនួយមនុស្សធម៌ពីប្រទេសជាបងប្អូន និងស្ថាប័នអន្តរជាតិផងដែរ ។
ពាក់ព័ន្ធនឹងបញ្ហានេះដែរ ក្នុងអំឡុងពេលសន្និសីទសារព័ត៌មានតាមរយៈវីដេអូ លោក Tarik Jasarevic អ្នកនាំពាក្យអង្គការសុខភាពពិភពលោក (WHO) បានបញ្ជាក់ថា ទឹកជំនន់នៅក្នុងប្រទេសលីប៊ីបានបណ្តាលឲ្យមនុស្សស្លាប់ជិត ៤,០០០ នាក់ ខណៈមនុស្សពី ៨,០០០ ទៅ ៩,០០០ នាក់នៅតែបន្តបាត់ខ្លួននៅឡើយ ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ឧបនាយករដ្ឋមន្ត្រី ថៃ ប្រាប់ពីតំណែងដែលលោក ថាក់ស៊ីន អាចកាន់កាប់ក្នុងជួររដ្ឋាភិបាលថ្មី

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ