ព័ត៌មានអន្ដរជាតិ
រុស្ស៊ី ត្រៀមខ្លួនចរចាបញ្ហាអ៊ុយក្រែន តែមិនយល់ព្រមលើសំណើបទឈប់បាញ់ឡើយ ព្រោះធ្លាប់ត្រូវគេបោក
រដ្ឋមន្ត្រីការបរទេសរុស្ស៊ី លោក Sergey Lavrov និយាយថា ប្រទេសរុស្ស៊ី បានត្រៀមខ្លួនរួចជាស្រេច សម្រាប់កិច្ចពិភាក្សាស្តីពីបញ្ហាអ៊ុយក្រែន ប៉ុន្តែនឹងមិនពិចារណាលើសំណើបទឈប់បាញ់ណាមួយឡើយ ដោយសារតែទីក្រុងមូស្គូ ត្រូវបានគេបោកម្តងរួចមកហើយ។
អ្នកការទូតកំពូលរូបនេះ បាននិយាយក្នុងសន្និសីទសារព័ត៌មាន បន្ទាប់ពីសម័យប្រជុំលើកទី ៧៨នៃមហាសន្និបាតអង្គការសហប្រជាជាតិថា “យើងកំពុងធ្វើការក្នុងស្ថានភាពជាក់ស្តែងដែលបានអភិវឌ្ឍ។ កាលពីខែមីនានិងខែមេសាឆ្នាំ២០២២ មានការចរចា អ្វីគ្រប់យ៉ាងត្រូវបានចាប់ផ្តើមរួចទៅហើយ ប៉ុន្តែពីរថ្ងៃក្រោយមក មានព្រឹត្តិការណ៍នៅទីក្រុង Bucha ក្នុងប្រទេសអ៊ុយក្រែន។ ខ្ញុំគិតថា មានអ្នកនៅទីក្រុងឡុងដ៍ ឬវ៉ាស៊ីនតោន មិនចង់ឲ្យសង្រ្គាមនេះបញ្ចប់ទេ”។
លោក Lavrov ចង្អុលបង្ហាញថា “នោះហើយជាមូលហេតុដែលឥឡូវនេះ នៅពេលយើងឮអំពីការចរចា យើងត្រៀមខ្លួនរួចជាស្រេចសម្រាប់ការចរចា ប៉ុន្តែយើងនឹងមិនពិចារណាលើសំណើណាមួយសម្រាប់បទឈប់បាញ់ឡើយ ព្រោះយើងបានពិចារណាម្តងហើយ ប៉ុន្តែអ្នកបានបោកយើង”។
មុននេះ លោក Lavrov ក៏បាននិយាយដែរថា ការដែលទីក្រុងកៀវ ពន្យារពេលចរចាកាន់តែយូរជាមួយទីក្រុងមូស្គូ វានឹងធ្វើឲ្យការចរចានៅពេលក្រោយ កាន់តែពិបាក។
គួរបញ្ជាក់ជាថ្មី ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចាប់ផ្តើមការលុកលុយពេញប្រទេសអ៊ុយក្រែននៅខែកុម្ភៈឆ្នាំ២០២២ ដែលបង្កឲ្យមានការថ្កោលទោសយ៉ាងខ្លាំងពីសំណាក់អន្តរជាតិ៕
ប្រែសម្រួល៖ Vann Vann
ប្រភព៖ TASS
ចុចអាន៖ អ៊ុយក្រែន វាយប្រហារមីស៊ីលនៅគ្រីមៀ ចំពេលមេទ័ពជើងទឹករុស្ស៊ី កំពុងប្រជុំ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១០ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ