ខែក្រោយ រដ្ឋមន្ត្រីការបរទេសរុស្ស៊ី នឹងទៅបំពេញទស្សនកិច្ចនៅ កូរ៉េខាងជើង

រដ្ឋមន្ត្រីការបរទេសរុស្ស៊ី លោក Sergey Lavrov នឹងធ្វើទស្សនកិច្ចប្រទេសកូរ៉េខាងជើងនៅខែក្រោយ បន្ទាប់ពីកិច្ចប្រជុំកំពូលដ៏កម្រមួយរវាងមេដឹកនាំនៃប្រទេសទាំងពីរ ក្នុងខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកការទូតកំពូលរុស្ស៊ីរូបនេះ បានប្រាប់អ្នកយកព័ត៌មាន ក្នុងសន្និសីទកាសែត នៅទីក្រុងញូវយ៉ក កាលពីថ្ងៃសៅរ៍ទី២៣ខែកញ្ញាថា លោកនឹងទៅរដ្ឋធានីព្យុងយ៉ាងក្នុងខែតុលា ខណៈដំណើរ​ទស្សនកិច្ច​នេះ ​ធ្វើ​ឡើង​បន្ទាប់​ពី​មាន​កិច្ច​ព្រម​ព្រៀង​ រវាង​ថ្នាក់​ដឹក​នាំ​នៃ​ប្រទេស​ទាំង​ពីរ​។​

មេដឹកនាំកូរ៉េខាងជើង លោក គីម ជុងអ៊ុន បានធ្វើដំណើរទៅកាន់ប្រទេសរុស្ស៊ី កាលពីដើមខែកញ្ញា សម្រាប់កិច្ចប្រជុំកំពូល ជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន នៅក្នុងកិច្ចប្រជុំលើកដំបូងរបស់មេដឹកនាំទាំងពីរ ក្នុងរយៈពេលប្រហែល៤ឆ្នាំ។

យ៉ាងណាមិញ សហរដ្ឋអាមេរិកនិយាយថា ការផ្គត់ផ្គង់អាវុធរបស់ទីក្រុងព្យុងយ៉ាង ដើម្បីជួយដល់សកម្មភាពយោធារបស់ទីក្រុងមូស្គូនៅអ៊ុយក្រែន ទំនងជាប្រធានបទសំខាន់នៃកិច្ចចរចានោះ។

ក្រោយមក លោក ពូទីន បានទទួលការអញ្ជើញរបស់លោក គីម ឲ្យទៅបំពេញទស្សនកិច្ចនៅកូរ៉េខាងជើងវិញម្តង ដូច្នេះហើយ នេះអាចជារបៀបវារៈសម្រាប់ដំណើររបស់លោក Lavrov៕

ប្រែសម្រួល៖ Vann Vann

ប្រភព៖ Straits Times

ចុចអាន៖ លោក Lavrov ថា សង្គ្រាម រវាងរុស្ស៊ី និងបស្ចិមប្រទេស ជិតក្លាយជាការពិតហើយ