ព័ត៌មានអន្ដរជាតិ
នាយករដ្ឋមន្ត្រីថៃ បដិសេធការតែងតាំងលោក ថាក់ស៊ីន ជាទីប្រឹក្សា
តាមការបញ្ជាក់ពីនាយករដ្ឋមន្ត្រីថៃ លោក សេតថា ថាវីស៊ីន នៅថ្ងៃអាទិត្យទី២៤ខែកញ្ញា, លោកមិនបានប្រាប់ប្រព័ន្ធផ្សព្វផ្សាយណាមួយថា លោកតែងតាំងអតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា ជាទីប្រឹក្សាផ្ទាល់ខ្លួនទេ។

ថ្លែងទៅកាន់អ្នកកាសែត នៅឯអាកាសយានដ្ឋានសុវណ្ណភូមិ ពេលត្រលប់មកពីការចូលរួមមហាសន្និបាតអង្គការសហប្រជាជាតិនៅសហរដ្ឋអាមេរិកវិញ លោកសេតថា និយាយថា ប្រព័ន្ធផ្សព្វផ្សាយថៃ បានបកស្រាយខុសលើការកត់សម្គាល់របស់លោក អំពីលោកថាក់ស៊ីន អំឡុងពេលសម្ភាសជាមួយ Bloomberg នៅទីក្រុងញូវយ៉ក។
លោកបន្តថា ក្នុងពេលសម្ភាស លោកគ្រាន់តែនិយាយថា លោកអាចពិគ្រោះជាមួយលោក ថាក់ស៊ីន ដូចការដែលលោកបានពិគ្រោះជាមួយអតីតនាយករដ្ឋមន្ត្រី និងមន្ត្រីជាន់ខ្ពស់មួយចំនួនទៀតប៉ុណ្ណោះ ដូចជាលោក Anand Panyaracun និងលោក Somchai Wongsawat ជាដើម។

នាយករដ្ឋមន្ត្រីថៃរូបនេះបន្តថា “នេះជាលើកទីមួយហើយ ដែលខ្ញុំធ្វើជានាយករដ្ឋមន្ត្រី ហើយខ្ញុំជាមនុស្សថ្មីបំផុតក្នុងរឿងនយោបាយ។ ខ្ញុំត្រៀមខ្លួនស្វែងរកដំបូន្មានពីអ្នកណាដែលមានចំណេះដឹង និងធនធាន”។
លើសពីនេះទៅទៀត លោកបានស្នើឲ្យសារព័ត៌មានថៃទាំងឡាយ កុំបកស្រាយខុសនូវអ្វីដែលលោកនិយាយ ព្រោះវាអាចបង្កបញ្ហា៕
ប្រែសម្រួល៖ Vann Vann
ប្រភព៖ Thai PBS
ចុចអាន៖ ឧបនាយករដ្ឋមន្ត្រី ថៃ ប្រាប់ពីតំណែងដែលលោក ថាក់ស៊ីន អាចកាន់កាប់ក្នុងជួររដ្ឋាភិបាលថ្មី

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ