សត្វក្រពាញីដាច់មាត់មួយក្បាល ត្រូវគេជួយសង្គ្រោះនៅរដ្ឋ Florida

លោក Mike Hileman នាយកឧទ្យានសត្វព្រៃ Gatorland បានប្រាប់ Insider ថា សត្វក្រពាញីអាយុ ៤ ឆ្នាំដែលដាច់មាត់ ត្រូវគេរកឃើញជាលើកដំបូងនៅក្នុងបឹងនៃទីក្រុង Sanford រដ្ឋ Florida ។

គាត់និយាយទៀតថា ពេលនេះវាកំពុងសម្របខ្លួនបានយ៉ាងល្អទៅនឹងផ្ទះថ្មីនៅឯ Gatorland ដែលជាកន្លែងមានការថែទាំ និងជួយឲ្យវារស់បានយូរជាងក្នុងធម្មជាតិ ។

មិនតែប៉ុណ្ណោះ Hileman និយាយថា “វាស្ថិតក្នុងស្ថានភាពល្អទេ ក្រោយមានរបួសដាច់មាត់ ។ ពួកយើងត្រូវផ្ដល់អាហារបន្ថែមសម្រាប់វា ព្រោះក្រពានេះមានបញ្ហាខ្វះអាហារូបត្ថម្ភបន្តិចបន្តួត” ។

បើតាមការសន្និដ្ឋានរបស់ Hileman ក្រពាខាងលើអាចនឹងដាច់មាត់ដោយសារទូកជិះពីលើ ព្រោះស្នាមរបស់វាមានលក្ខណៈស្មើស្អាត និងរលោង ។

បច្ចុប្បន្នគេសង្កេតឃើញថា វារីករាយនិងកន្លែងនៅថ្មី មិនកាចដាក់មនុស្ស ឬ ផ្អើលៗនោះទេ ។ ចំណែកឯឈ្មោះវាក៏មិនទាន់មានដែរ ប៉ុន្តែមានជម្រើសជាច្រើនដូចជា Jawlene, Gumdrop, Jaws ឬ Flapjack ៕

ប្រែសម្រួល៖ វារី

ប្រភព៖ insider

ចុចអាន៖ សត្វក្រពាធំបំផុតក្នុងរដ្ឋ Mississippi ត្រូវប្រជាជនយកធ្វើម្ហូប