អតីតមន្ត្រី ចិន ៖ ទោះប្រជាជនក្នុងប្រទេសសរុប ១.៤ ពាន់លាននាក់ ក៏មិន​អាចបំពេញផ្ទះដែលនៅទំនេរដែរ

​អតីតអនុប្រធានការិយាល័យស្ថិតិចិនម្នាក់បានលើកឡើងថា បញ្ហា​អចលនទ្រព្យចិន គឺពាក់ព័ន្ធទៅនឹងអាផាតមិនដែលសាងសង់ហើយ​ទុកចោលមិនមានមនុស្សរស់នៅ ហើយទោះបីជាឲ្យប្រជាជន​ចិនជាង ១.៤ ពាន់លាននាក់ទៅរស់នៅ​ក្នុងអគារទាំងនោះក៏ដោយ​ ក៏មិនអាចបំពេញអគារដែលនៅទំនេរបានដែរ ។  

វិស័យអចលនទ្រព្យប្រទេសចិនដែលធ្លាប់ជាសសរស្តម្ភនៃសេដ្ឋកិច្ច បានធ្លាក់ចុះចាប់តាំងពីឆ្នាំ ២០២១ នៅពេលដែលក្រុមហ៊ុនអចលនទ្រព្យធំៗដូចជា China Evergrande Group បានលុបចោលកាតព្វកិច្ចបំណុលរបស់ខ្លួន បន្ទាប់ពីមានការគៀបលើការខ្ចីប្រាក់ជាថ្មី ។

បន្ទាប់មក​ ក្រុមហ៊ុនអភិវឌ្ឍន៍ធំៗដូចជា Country Garden Holdings ក៏បន្តធ្លាក់ចុះជិតនឹងលំនាំដើមផងដែរ ហើយបន្តអូសបន្លាយពេលរហូតមកដល់សព្វថ្ងៃនេះ ដោយធ្វើឲ្យអារម្មណ៍អ្នកទិញផ្ទះធ្លាក់ចុះដូចគ្នា ។

ទោះយ៉ាងណា ទស្សនៈអវិជ្ជមានរបស់អតីតមន្ត្រីចិនរូបនេះចំពោះវិស័យសេដ្ឋកិច្ចចិន គឺផ្ទុយស្រឡះពីការបញ្ជាក់របស់រដ្ឋាភិបាលដែលថា សេដ្ឋកិច្ចចិនមានភាពធន់ ហើយមិនដូចការព្យាករណ៍ឡើយ ។

ដោយឡែក យោងតាមទិន្នន័យចុងក្រោយបំផុតពីការិយាល័យស្ថិតិជាតិចិន (NBS) បានបង្ហាញថា បើគិតត្រឹមដំណាច់ខែសីហា ផ្ទៃដីសរុបនៃផ្ទះដែលមិនទាន់បានលក់ចេញមានចំនួន ៦៤៨ លានម៉ែត្រការ៉េ ។

ទិន្នន័យនេះ ស្មើនឹងផ្ទះ ៧.២ លានខ្នងនៃទំហំផ្ទះជាមធ្យម ៩០ ម៉ែត្រការ៉េ​ ប៉ុន្តែ​នៅមិនទាន់រាប់បញ្ចូលគម្រោងលំនៅឋានជាច្រើនដែលត្រូវបានលក់រួចហើយ ក៏ដូចជាគម្រោងមិនទាន់បញ្ចប់ការសាងសង់នោះទេ ដោយសារតែបញ្ហាលំហូរសាច់ប្រាក់ ៕

ប្រែសម្រួល៖ នាង រតនៈ

ប្រភព៖ Reuters