យោធាមីយ៉ាន់ម៉ាដោះលែងមនុស្ស ៤០០ នាក់ បន្ទាប់ពីចាប់ខ្លួននៅក្នុងរដ្ឋប្រហារ

សមាជិកសភាម្នាក់បាននិយាយនៅថ្ងៃពុធនេះថា យោធាមីយ៉ាន់ម៉ាបានដោះលែងមនុស្សប្រហែល ៤០០ នាក់រួមទាំងអតីតសមាជិកសភាមកពីគណបក្សកាន់អំណាច និងបានបញ្ជាឲ្យពួកគេត្រឡប់ទៅផ្ទះវិញ ។

មន្ត្រីជាន់ខ្ពស់នៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) រួមទាំងមេដឹកនាំបក្សលោកស្រី អ៊ុងសាន ស៊ូជី ទំនងជានៅតែស្ថិតក្រោមការឃុំឃាំងក្នុងផ្ទះដដែរ បន្ទាប់ពីរដ្ឋប្រហារកាលពីថ្ងៃចន្ទ ។

នៅពេលដែលយោធាបានដណ្តើមអំណាច សមាជិកសភាគណបក្ស NLD ជាច្រើននាក់បានស្ថិតនៅក្នុងរដ្ឋធានីណៃពិដោ នៅមុនសម័យប្រជុំសភាថ្មីដែលមានអាសនៈ ៦៦៤ ដែលនឹងត្រូវកោះប្រជុំនៅពេលក្រោយ ខណៈគណបក្ស NLD បានឈ្នះអាសនៈចំនួន ៣៩៦ នៅក្នុងការបោះឆ្នោតទូទៅកាលពីខែវិច្ឆិកា ។

គួរម្លឹកឡើងវិញថា យោធាមីយ៉ាន់ម៉ាបានប្រកាសដាក់ប្រទេសក្នុងគ្រាអាសន្នរយៈពេលមួយឆ្នាំពេញកាលពីថ្ងៃចន្ទ ពោលប៉ុន្មានម៉ោងបន្ទាប់ពីឃុំខ្លួនមេដឹកនាំប្រទេស និងជាទីប្រឹក្សារដ្ឋលោកស្រី អ៊ុងសានស៊ូជី ព្រមទាំងសមាជិកជាន់ខ្ពស់ដទៃទៀតនៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យ៕

ប្រែសម្រួលដោយ ៖ ជីវ័ន្ត

ប្រភព ៖ abs-cbn

ចុចអាន ៖ មីយ៉ាន់ម៉ាព្រមានសារព័ត៌មាននិងប្រជាជន កុំផ្សព្វផ្សាយពាក្យចចាមអារ៉ាមនិងញុះញង់ឲ្យមានចលាចល

ចុចអាន ៖ មីយ៉ាន់ម៉ា រៀបចំកិច្ចប្រជុំគណៈរដ្ឋមន្រ្តីលើកដំបូងចាប់តាំងពីរដ្ឋប្រហារ