អគ្គិភ័យឆាបឆេះក្នុងពិធីមង្គលការនៅអ៊ីរ៉ាក់ ស្លាប់មនុស្ស១០០នាក់ របួស១៥០នាក់

មនុស្សយ៉ាងតិច១០០នាក់បានស្លាប់ និង១៥០នាក់ផ្សេងទៀតរងរបួស បន្ទាប់ពីអគ្គិភ័យ បានឆាបឆេះក្នុងពិធីមង្គលការមួយ នៅភាគខាងជើងប្រទេសអ៊ីរ៉ាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានរដ្ឋ INA រាយការណ៍នៅថ្ងៃពុធទី២៧ខែកញ្ញាថា ករណីអគ្គិភ័យនេះ កើតឡើងនៅស្រុក Al-Hamdaniya ក្នុងខេត្ត Nineveh។

តាមសេចក្តីរាយការណ៍ដំបូង, អគ្គិភ័យបានផ្តើមចេញពីការបាញ់កាំជ្រួច ហើយបានឆាបឆេះរាលដាលពាសពេញសាល ទទួលភ្ញៀវមកចូលរួមពិធីតែម្តង។

ពេលហេតុការណ៍កើតឡើង រថយន្ត​សង្គ្រោះ និង​ក្រុម​គ្រូពេទ្យ ក៏​ត្រូវ​បាន​អាជ្ញាធរ​អ៊ីរ៉ាក់​បញ្ជូន​ទៅ​កាន់​កន្លែង​ភ្លាមៗផងដែរ។

ស្របពេលជាមួយគ្នានោះ នាយករដ្ឋមន្រ្ដីអ៊ីរ៉ាក់ បានប្រាប់ក្រុមមន្ត្រីឲ្យបន្តកិច្ចខិតខំប្រឹងប្រែងគ្រប់បែបយ៉ាង ដើម្បីផ្តល់ជំនួយដល់អ្នកដែលរងផលប៉ះពាល់ដោយឧប្បត្តិហេតុនេះ៕

ប្រែសម្រួល៖ Vann Vann

ប្រភព៖ BBC

ចុចអាន៖ កាសែត The Nation របស់ថៃ អះអាងមូលហេតុនៃអគ្គិភ័យនៅប៉ោយប៉ែត មិនមែនដោយសារ ទុស្សេខ្សែភ្លើង