ព័ត៌មានអន្ដរជាតិ
វៀតណាម កាត់ទោសដាក់ពន្ធនាគារមនុស្ស១១នាក់ ពីបទជួញដូរមនុស្ស ចូល កម្ពុជា
កាលពីថ្ងៃចន្ទទី២៥ខែកញ្ញា មនុស្សចំនួន១១នាក់នៅខេត្ត Dong Nai ភាគខាងត្បូងប្រទេសវៀតណាម ត្រូវបានកាត់ទោសដាក់ពន្ធនាគារ ពីបទជួញដូរមនុស្សរាប់រយនាក់មក កម្ពុជា។
លោក Vuong Van Thanh អាយុ៣៦ឆ្នាំ ត្រូវបានតុលាការប្រជាជនខេត្ត Dong Nai កាត់ទោសឲ្យជាប់ពន្ធនាគាររយៈពេល១២ឆ្នាំកន្លះ ពីបទជួញដូរមនុស្ស។ ចំណែកមនុស្ស១០នាក់ផ្សេងទៀត ត្រូវបានកាត់ទោសឲ្យជាប់គុកពី៣ឆ្នាំកន្លះទៅ៨ឆ្នាំ ក្នុងនាមជាអ្នកសមគំនិតជាមួយលោក Thanh ឬពីបទ រៀបចំការធ្វើចំណាកស្រុកខុសច្បាប់។
ចាប់ពីខែកុម្ភៈដល់ខែមិថុនាឆ្នាំ២០២២ លោក Thanh និងអ្នកសមគំនិត៣នាក់ បានប្រើគណនីអនឡាញដើម្បីជ្រើសរើសកម្មករមកធ្វើការនៅកម្ពុជា ដោយសន្យាថា ពួកគេទទួលនឹងបានប្រាក់ចំណូលខ្ពស់។
បន្ទាប់មក ក្រុមនេះបានបញ្ជូនកម្មករ ទៅក្រុមហ៊ុនគ្រប់គ្រងដោយចិនជាច្រើន នៅកម្ពុជា។ កម្មករត្រូវធ្វើការបន្ថែមម៉ោង ធ្វើការជាអ្នកឆបោកតាមទូរស័ព្ទ និងបញ្ចុះបញ្ចូលអ្នកផ្សេងទៀតឲ្យលេងល្បែង ព្រមទាំងការងារផ្សេងទៀត ដែលត្រូវគេត្រួតពិនិត្យយ៉ាងជិតស្និទ្ធជាទីបំផុត។
ប្រសិនបើកម្មករចង់ត្រលប់ទៅវៀតណាមវិញ គ្រួសាររបស់ពួកគេនឹងត្រូវបង់ថ្លៃលោះដល់ក្រុមនៅប្រទេសកម្ពុជា ម្នាក់ត្រូវបង់ចន្លោះពី២៥០០ ដល់៥៣០០ដុល្លារអាមេរិក។
នៅក្នុងការកាត់ទោស សមាជិកនៃក្រុមនេះ បានទទួលស្គាល់ពីបទឧក្រិដ្ឋរបស់ខ្លួន។
ក្នុងរយៈពេល៤ឆ្នាំកន្លងមកនេះ អាជ្ញាធរវៀតណាម បានជួយសង្គ្រោះជនរងគ្រោះពីការជួញដូរមនុស្សជាង ៣៥០នាក់ និងទទួលបានជនរងគ្រោះចំនួន៥៤៥នាក់ ដែលអាចវិលត្រលប់មកវៀតណាមវិញ៕
ប្រែសម្រួល៖ Vann Vann
ប្រភព៖ VN Express
ចុចអាន៖ ស្ត្រីវៀតណាម ១១ នាក់ ត្រូវគេបោកលក់ឲ្យបុរសចិនយកធ្វើជាប្រពន្ធ
-
ព័ត៌មានអន្ដរជាតិ៥ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ