ព័ត៌មានអន្ដរជាតិ
នាយករដ្ឋមន្ត្រី Solomon មិនចូលរួមកិច្ចប្រជុំសេតវិមាន ព្រោះមិនចង់ស្តាប់ការស្តីប្រដៅពី រដ្ឋបាលលោក បៃដិន
នាយករដ្ឋមន្រ្តីកោះ Solomon លោក Manasseh Sogavare បានចេញមុខការពារសេចក្តីសម្រេចរបស់គាត់ ក្នុងការមិនចូលរួមកិច្ចប្រជុំកំពូលសេតវិមាននៅសប្តាហ៍នេះ ជាមួយមេដឹកនាំនៃតំបន់ប៉ាស៊ីហ្វិកផ្សេងទៀត ដោយនិយាយថា គាត់មិនចង់ចំណាយពេលស្តាប់ការស្តីប្រដៅ ពីរដ្ឋបាលរបស់លោកប្រធានាធិបតី ចូ បៃដិន។
លោក Sogavare បានប្រាប់អ្នកយកព័ត៌មានក្រោយវិលត្រលប់មកទីក្រុង Honiara ពីសហរដ្ឋអាមេរិកវិញកាលពីថ្ងៃព្រហស្បតិ៍ទី២៨ខែកញ្ញាថា “ខ្ញុំមិនទៅអង្គុយនៅក្នុងកិច្ចប្រជុំ ហើយស្តាប់ពួកគេស្តីប្រដៅខ្ញុំទេ។ ដូចជាគ្មានប្រយោជន៍អ្វីសោះពីការចូលរួមក្នុងកិច្ចប្រជុំ ដែលស្រដៀងនឹងឆ្នាំមុនដែរ។ កិច្ចពិភាក្សា ត្រូវបានរៀបចំឡើង ដើម្បីផ្តល់ពេលឲ្យមេដឹកនាំកោះប៉ាស៊ីហ្វិកម្នាក់ៗ និយាយបីនាទី ហើយបន្ទាប់មក អ្នកទៅស្តាប់ពួកគេស្តីប្រដៅអ្នក ថាតើពួកគេល្អប៉ុនណា”។
គួរបញ្ជាក់ថា លោក Sogavare បានធ្វើដំណើរទៅសហរដ្ឋអាមេរិក ដើម្បីថ្លែងសុន្ទរកថាក្នុងមហាសន្និបាតអង្គការសហប្រជាជាតិកាលពីសប្តាហ៍មុន នៅទីក្រុងញូវយ៉ក។
កាលពីដើមឆ្នាំនេះ គាត់បានច្រានចោលការត្អូញត្អែរពីសហរដ្ឋអាមេរិកនិងអូស្ត្រាលី ជុំវិញទំនាក់ទំនងកាន់តែស៊ីជម្រៅរបស់ប្រទេសគាត់ជាមួយចិន ដោយនិយាយថា Solomon បានស្វែងរកកិច្ចសហប្រតិបត្តិការដោយស្មោះត្រង់ជាមួយគ្រប់ប្រទេសទាំងអស់។
លើសពីនេះ គាត់បានជួបជាមួយប្រធានាធិបតីចិន ស៊ី ជីនពីង កាលពីខែកក្កដា ហើយបានចុះហត្ថលេខាលើកិច្ចព្រមព្រៀងនិងអនុស្សរណៈថ្មីចំនួន៩ រួមទាំងកតិកាសញ្ញាសន្តិសុខ ដែលអនុញ្ញាតឲ្យទីក្រុងប៉េកាំង ដាក់ពង្រាយប៉ូលិសដើម្បីជួយរក្សាច្បាប់ និងសណ្តាប់ធ្នាប់នៅលើកោះនេះផងដែរ៕
ប្រែសម្រួល៖ Vann Vann
ប្រភព៖ RT
ចុចអាន៖ កិច្ចព្រមព្រៀងរបស់ចិន នៅមហាសមុទ្រប៉ាស៊ីហ្វិក ធ្វើឲ្យ ៣ប្រទេស ភ័យខ្លាចខ្លាំង
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២២ ម៉ោង ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ