ព័ត៌មានអន្ដរជាតិ
ណាតូ ដាក់យន្តហោះឈ្លបការណ៍ទៅជិតព្រំដែនសម្ព័ន្ធមិត្តដើម្បីតាមមើលសកម្មភាពយោធា រុស្ស៊ី
អង្គការណាតូបានដាក់ពង្រាយយន្តហោះឈ្លបការណ៍ប្រភេទ AWACS ទៅកាន់ប្រទេសលីទុយអានី ដើម្បីតាមដានសកម្មភាពយោធារុស្ស៊ីនៅជិតព្រំដែនរបស់សម្ព័ន្ធមិត្តរបស់ខ្លួន ខណៈយន្តហោះ ១ គ្រឿងដំបូងក្នុងចំណោមយន្តហោះ ២ គ្រឿងបានមកដល់មូលដ្ឋានអាកាស Siauliai កាលពីថ្ងៃព្រហស្បតិ៍ ។

អ្នកនាំពាក្យស្តីទីរបស់អង្គការណាតូ លោក Dylan White បាននិយាយថា “សង្រ្គាមរបស់រុស្ស៊ីលើអ៊ុយក្រែនបានបង្កើនការយកចិត្តទុកដាក់របស់យើងលើបរិយាកាសសន្តិសុខនៅក្នុងតំបន់សមុទ្របាល់ទិក ដូច្នេះហើយទើបយើងសម្រេចបញ្ជូនយន្តហោះ AWACS ទៅមើលស្ថានភាពនៅតាមព្រំដែន” ។
លោក White បានបញ្ជាក់ថា “ការបញ្ជូនយន្តហោះ AWACS គឺដោយសារតែយន្តហោះប្រភេទនេះ មានសមត្ថភាពអាចស្ទាក់ចាប់យន្តហោះ និងកាំជ្រួចមីស៊ីលរយៈចម្ងាយរាប់រយគីឡូម៉ែត្ររបស់រុស្ស៊ី ហើយវានឹងក្លាយជាយន្តហោះមានសមត្ថភាពការពារដ៏សំខាន់សម្រាប់អង្គការណាតូ ។ ទន្ទឹមនោះ ខ្ញុំសូមអរគុណដល់ប្រទេសលីទុយអានីសម្រាប់ធ្វើជាចំណតសម្រាប់យន្តហោះរបស់យើង ហើយនេះជាការរួមចំណែកដ៏សំខាន់ដល់សន្តិសុខរួមរបស់យើង” ។

សេចក្តីប្រកាសព័ត៌មានបាននិយាយទៀតថា “ជាការឆ្លើយតបទៅនឹងសង្គ្រាមរុស្ស៊ី-អ៊ុយក្រែន អង្គការណាតូបានបង្កើនវត្តមានដែនអាកាសរបស់ខ្លួននៅក្នុងតំបន់ភាគខាងកើតនៃសម្ព័ន្ធមិត្ត ដោយប្រើប្រាស់យន្តហោះចម្បាំង យន្តហោះស៊ើបការណ៍ និងយន្តហោះចាក់ប្រេងសាំងជាដើម” ។
គួរបញ្ជាក់ថា ចាប់តាំងពីខែកុម្ភៈ ឆ្នាំ ២០២២ ពោលនៅពេលដែល “ប្រតិបត្តិការយោធាពិសេស” របស់រុស្ស៊ីលើអ៊ុយក្រែនបានផ្ទុះឡើង យន្តហោះប្រភេទ AWACS បានធ្វើការហោះហើររាប់រយជើងឆ្លងកាត់អឺរ៉ុបខាងកើត ដើម្បីត្រួតពិនិត្យក៏ដូចជាតាមដានសកម្មភាពយន្តហោះចម្បាំងរបស់រុស្ស៊ី ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ