Connect with us

ព័ត៌មានអន្ដរជាតិ

តំបន់ជាច្រើនរបស់ វៀតណាម កំពុងលិចលង់ដោយទឹកជំនន់ ខណៈពលរដ្ឋ​ខេត្តខ្លះត្រូវរន្ទះបាញ់ស្លាប់

បានផុស

នៅ

ក្នុងរយៈពេលប៉ុន្មានថ្ងៃនេះ ខេត្តជាច្រើននៅភាគកណ្ដាល និងភាគខាងជើងរបស់ប្រទេសវៀតណាម បានរងការជន់លិចយ៉ាងធ្ងន់ធ្ងរ ដោយសារតែទឹកជំនន់ ខណៈប្រជាពលរដ្ឋរាប់ពាន់នាក់កំពុងស្វែងរកទីទួលសុវត្ថិភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងខេត្ត Nghe An ដែលជួបប្រទះនូវភ្លៀងធ្លាក់ខ្លាំងតាំងតែពីថ្ងៃអាទិត្យមកម្ល៉េះនោះ អាជ្ញាធរបាននិយាយថា ផ្ទះជាង ១,៦០០ ខ្នងត្រូវបានជន់លិច ហើយជាង ៨០០ គ្រួសារកំពុងត្រូវការជួយសង្គ្រោះ និងការឧបត្ថម្ភ ។

ចំណែក​ឯ​ខេត្ត​ជិត​ខាង​វិញ មនុស្ស​ម្នាក់​ត្រូវ​រន្ទះ​បាញ់​ស្លាប់ និង​ម្នាក់​ទៀត​បាត់​ខ្លួន​ បន្ទាប់​ពី​ត្រូវ​ទឹកហូរកួចនាំទៅ ខណៈនៅរដ្ឋធានីហាណូយក៏ត្រូវជន់លិចដោយភ្លៀងធ្លាក់ខ្លាំងផងដែរ ជាពិសេសបណ្ដាលឲ្យផ្លូវថ្នល់រងការខូចខាត ហើយ​ចរាចរណ៍​តាមដងផ្លូវក៏ត្រូវបានផ្អាក ។

ចរាចរណ៍នៅកណ្តាលទីក្រុងហាណូយ រួមទាំងផ្លូវ Nguyen Trai, Nguyen Xien និងផ្លូវ Le Quang Dao បានកកស្ទះយ៉ាងយូរ ដោយសារទឹកជំនន់ បន្ទាប់ពីមានភ្លៀងធ្លាក់ខ្លាំងឥតឈប់ ខណៈផ្លូវទាំងនោះរងការជន់លិចក្នុងជម្រៅរហូតដល់ ៣០ ទៅ ៥០ សង់ទីម៉ែត្រឯណោះ ។

គួរបញ្ជាក់ថា ភ្លៀងរំពឹងនឹងបន្តធ្លាក់ពាសពេញតំបន់ធំៗរបស់ប្រទសវៀតណាមមួយរយៈទៀត ខណៈអាជ្ញាធរក៏បានអំពាវនាវឲ្យប្រជាពលរដ្ឋប្រុងប្រយ័ត្នចំពោះការអិលបាក់ដី និងជំនន់ទឹកទន្លេផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ VN Express / NHK

ចុចអាន ៖ ចិន ចេញការព្រមានទៅ ហ្វីលីពីន រឿងកាត់ “របាំងបណ្ដែតទឹក” ក្នុងតំបន់ មានជម្លោះនៅសមុទ្រចិនខាងត្បូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ២ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២២ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម