ចិន ឆ្លើយយ៉ាងណាខ្លះពីកន្លែងលាក់ខ្លួនរបស់រដ្ឋមន្ត្រីការពារជាតិដែលបាត់​មុខ ១ ខែមកនេះ

រហូតមកដល់ពេលនេះ រដ្ឋមន្ត្រីការពារជាតិចិនលោក Li Shangfu មិនត្រូវបានគេឃើញជាសាធារណៈអស់រយៈពេល ១ ខែមកហើយ ខណៈសហរដ្ឋអាមេរិកបានដាក់ការសង្ស័យថា មេទ័ពរូបនេះត្រូវបានរដ្ឋាភិបាលចិនបណ្ដេញចេញពីតំណែង ហើយស្ថិតក្រោមកាលាក់ខ្លួន និងកំពុងត្រូវស៊ើបអង្កេត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ រដ្ឋាភិបាល​ចិន​មិន​បាន​ផ្តល់​ការ​ពន្យល់​ជាក់លាក់ ឬព័ត៌មានលម្អិតណា​មួយ​អំពី​កន្លែង​លាក់​ខ្លួន​របស់​ប្រមុខ​ការពារ​ជាតិរូបនេះនោះទេ ចាប់តាំងពីលោកបានថ្លែងសុន្ទរកថានៅឯវេទិកាសន្តិភាព និងសន្តិសុខ ចិន-អាហ្វ្រិក នៅទីក្រុងប៉េកាំងកាលពីថ្ងៃទី២៩ ខែសីហា ។

ទន្ទឹមនោះ អ្នកនាំពាក្យក្រសួងការពារជាតិចិន លោក Wu Qian ក៏ត្រូវបានអ្នកសារព័ត៌មានបរទេសជជីកសួរអំពីជោគវាសនារបស់លោក Li Shangfu ផងដែរនៅក្នុងសន្និសីទសារព័ត៌មានមួយ ប៉ុន្តែលោកបានឆ្លើយយ៉ាងខ្លីថា លោកមិនដឹងស្ថានភាពរបស់ប្រមុខការពារជាតិរូបនេះនោះទេ ម្យ៉ាងលោកក៏ឆ្លើយសំណួរពាក់ព័ន្ធរួចហើយផងដែរ ។

លោក Li Shangfu ត្រូវបានតែងតាំងជារដ្ឋមន្ត្រីការពារជាតិកាលពីខែមីនា ហើយលោកធ្លាប់ទទួលបន្ទុកលើគម្រោងការហោះហើរក្នុងលំហអាកាសរបស់ចិន ក៏ដូចជាការទិញអាវុធសម្រាប់ផ្គត់ផ្គង់ដល់យោធារបស់ប្រទេសផងដែរ ។

គួរបញ្ជាក់ថា កាលពីខែកក្កដា ចិនក៏បានដកតំណែងអតីតរដ្ឋមន្ត្រីការបរទេសលោក Qin Gang ផងដែរ ពោលប្រហែល ៦ ខែ បន្ទាប់ពីការតែងតាំង ខណៈព័ត៌មានពាក់ព័ន្ធរបស់គាត់​មិន​ត្រូវ​បាន​គេ​រាយការណ៍​អស់​រយៈ​ពេល​ ២ ​ខែមកហើយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រទេសអាស៊ាន ៦ ពួតដៃជាមួយ ចិន កម្ចាត់ឧក្រិដ្ឋកម្មឆ្លងដែនទាក់ទង​​ល្បែងស៊ីសងតាមអនឡាញ