បាក់ដំបូលព្រះវិហារម៉ិកស៊ិក សង្កត់ស្លាប់មនុស្ស ៩នាក់

មនុស្សចំនួន៩នាក់ បាត់បង់ជីវិត និង២០នាក់ផ្សេងទៀតត្រូវជាប់ បន្ទាប់ពីដំបូលព្រះវិហារមួយ បានបាក់នៅក្នុងប្រទេសម៉ិកស៊ិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ មនុស្សចំនួន៤៩នាក់ ត្រូវបញ្ជូនទៅមន្ទីរពេទ្យ បន្ទាប់ពីហេតុការណ៍នៅព្រះវិហារ Santa Cruz ក្នុងទីក្រុង Ciudad Madero។

ប៉ូលិសនៅក្នុងរដ្ឋឆ្នេរសមុទ្រ Tamaulipas និយាយថា​ មនុស្សប្រហែល១០០ នាក់បានចូលរួមក្នុងការជួបជុំសម្តែងធម៌ទេសនា នៅពេលហេតុការណ៍កើតឡើង។

កុមារមួយចំនួន ត្រូវបានគេជឿថាស្ថិតក្នុងចំណោមអ្នកដែលជាប់ក្រោមគំនរបាក់បែក ហើយកិច្ចខិតខំប្រឹងប្រែងជួយសង្គ្រោះកំពុងបន្ត។

ទន្ទឹមនោះ មនុស្សម្នាបានអំពាវនាវលើប្រព័ន្ធផ្សព្វផ្សាយសង្គម សុំឲ្យមានការជួយជាសម្ភារវេជ្ជសាស្រ្ត និងជួយសង្គ្រោះ​ ដើម្បីជួយដល់អ្នក ដែលកំពុងស្វែងរកមនុស្សនៅរស់រានមានជីវិត៕

ប្រែសម្រួល៖ Vann Vann

ប្រភព៖ BBC

ចុចអាន៖ មិនដល់កន្លះខែផង ម៉ិកស៊ិក មានមនុស្សស្លាប់ជាង១០០នាក់ ដោយសាររលកកម្តៅ