បុរសថៃ យកទូរស័ព្ទថតក្រោមសំពត់ស្រីៗ ជាង៨០០នាក់ ត្រូវប៉ូលិសចាប់ខ្លួន

បុរសជនជាតិថៃអាយុ២៩ឆ្នាំម្នាក់ ត្រូវបានចាប់ខ្លួន ក្រោយរកឃើញថា យកទូរស័ព្ទដៃ ទៅថតវីដេអូក្រោមសំពត់របស់ក្មេងស្រីចំនួន៨៧៣នាក់ ក្នុងទីក្រុងបាងកក នារយៈពេល៧ឆ្នាំមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ទោ Teeradet Thumsuthee ប្រធានផ្នែកស៊ើបអង្កេតនៃការិយាល័យប៉ូលិសក្រុងបាងកក បាននិយាយនៅថ្ងៃចន្ទទី២ខែតុលាថា បុរសរូបនោះមានឈ្មោះ Thas “Title” ត្រូវបានចាប់ខ្លួននៅផ្ទះរបស់គាត់ក្នុងតំបន់ Laksi កាលពីថ្ងៃអាទិត្យ ហើយគេរកឃើញវីដេអូចំនួន៨៧៣ នៅលើទូរស័ព្ទដៃ និងកុំព្យូទ័ររបស់គាត់។

ប៉ូលិស ​បាន​អនុវត្ត​ដីកា​ចាប់​ខ្លួន បន្ទាប់​ពី​​នារី​វ័យក្មេងមួយក្រុម ​បាន​ដាក់​ពាក្យ​បណ្តឹង​ទៅ​ប៉ូលិស ខណៈជន​សង្ស័យ​ត្រូវ​បាន​គេ​ឃើញ ​កំពុង​ថត​វីដេអូ​នៅ​កន្លែង​លក់​ទំនិញ Siam Square កាល​ពី​ពេល​ថ្មីៗ​។

បុរសរូបនេះបាន​សារភាព ​ដោយ​និយាយ​ថា ​គាត់​បាន​រៀនអំពីបច្ចេកទេសថតក្រោមសំពត់ស្រីៗនៅលើអ៊ីនធើណិត បន្ទាប់​ពី​បញ្ចប់​ការ​សិក្សាសាកលវិទ្យាល័យ​ ហើយ​បាន​ថត​វីដេអូ​ប្រហែល​ប្រាំពីរ​ឆ្នាំមកហើយ ដើម្បីទុកមើលខ្លួនឯង។

គាត់​បាន​ថតក្រោមសំពត់ស្រីៗ ហើយ​ក៏​ថត​មុខ​ជន​រង​គ្រោះផងដែរ ជា​ធម្មតា​នៅតាម​ជណ្តើរយន្ត, ​ក្នុង​ហាង​លក់សម្ភារ​ការិយាល័យ ឬ​នៅ​លើ​ស្ពាន​ថ្មើរ​ជើង តាម​ផ្សារទំនើបនានា៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ថៃ នឹងមានភ្លៀងធ្លាក់ខ្លាំងពេញមួយសប្តាហ៍ ខណៈ ខេត្តជាច្រើន ប្រឈមទឹកជំនន់