ព័ត៌មានអន្ដរជាតិ
បែកធ្លាយឯកសាររសើប បង្ហាញថា អាមេរិក បារម្ភកាន់តែខ្លាំង ចំពោះ អំពើពុករលួយនៅ អ៊ុយក្រែន
ឯកសារយុទ្ធសាស្ត្រសម្ងាត់របស់សហរដ្ឋអាមេរិក ដែលបែកធ្លាយ បានបង្ហាញថា រដ្ឋបាលលោក ចូ បៃដិន កាន់តែមានក្តីព្រួយបារម្ភខ្លាំងហើយ ចំពោះអំពើពុករលួយនៅប្រទេសអ៊ុយក្រែន។
ឯកសារដ៏រសើបដែលត្រូវបានគេជឿថា ជាផែនការរយៈពេលវែងរបស់សហរដ្ឋអាមេរិកសម្រាប់អ៊ុយក្រែន គឺបង្ហាញពីវិធានការផ្សេងៗ ដែលសហរដ្ឋអាមេរិកកំពុងធ្វើ ដើម្បីជួយទីក្រុងកៀវ ក្នុងការប្រយុទ្ធប្រឆាំងនឹងអំពើពុករលួយ។
អ្វីដែលជាក្តីភ័យខ្លាចទៀតនោះគឺថា ការរិះគន់កាន់តែខ្លាំងឡើងអំពីអំពើពុករលួយក្នុងជួររដ្ឋាភិបាលទីក្រុងកៀវ អាចនឹងនាំឲ្យសម្ព័ន្ធមិត្តលោកខាងលិច ដកការគាំទ្ររបស់ពួកគេសម្រាប់យុទ្ធការប្រយុទ្ធប្រឆាំងនឹងសង្គ្រាមលុកលុយនៅអ៊ុយក្រែនផងដែរ ។
ទន្ទឹមនោះ រដ្ឋាភិបាលរបស់លោកប្រធានាធិបតី Volodymyr Zelensky បានទទួលការគាំទ្រដ៏ធំពីសហរដ្ឋអាមេរិក ដោយមកទល់ពេលនេះ ទីក្រុងវ៉ាស៊ីនតោន បានប្តេជ្ញាផ្តល់ជំនួយក្នុងទំហំទឹកប្រាក់ចំនួន ៧៥ ពាន់លានដុល្លាររួចទៅហើយ ខណៈសមាជិកសភាមួយចំនួន បានបង្ហាញក្តីបារម្ភអំពីថាតើ សាច់ប្រាក់ទាំងនោះ ត្រូវបានចំណាយតាមរបៀបណាខ្លះ ។
ស្របពេលជាមួយគ្នានេះ តាមរយៈការមើលឃើញដោយគេហទំព័រ Politico បានឲ្យដឹងថា ឯកសារបែកធ្លាយដែលមានកម្រាស់ ២២ ទំព័រនេះ គឺបានសង្កត់ធ្ងន់អំពីរបៀបដែលទីក្រុងកៀវ គួរតែអនុវត្តកិច្ចខិតខំប្រឹងប្រែងប្រឆាំងអំពើពុករលួយភ្លាមៗ។
ឯកសារសម្ងាត់នោះក៏សង្កត់ធ្ងន់ដែរថា “ការសង្ស័យអំពីអំពើពុករលួយកម្រិតខ្ពស់ អាចបំផ្លាញទំនុកចិត្តលើរដ្ឋាភិបាលក្នុងសម័យសង្គ្រាមរបស់អ៊ុយក្រែន ក្នុងចំណោមសាធារណៈជនអ៊ុយក្រែន និងមេដឹកនាំបរទេស”។
សូមបញ្ជាក់ថា លោក Zelensky បានធ្វើយុទ្ធនាការជាមួយការប្តេជ្ញា បោសសម្អាតអំពើពុករលួយនៅក្នុងប្រទេស ជាពិសេសគឺការអះអាងកសាងអ៊ុយក្រែនឡើងវិញ ។ ប៉ុន្តែទោះជាយ៉ាងណា អ៊ុយក្រែន មិនទាន់អាចមានលទ្ធភាពជំរុញកំណែទម្រង់ដល់សម័យក្រោយសង្គ្រាមនោះទេ ពោលប្រទេសនេះ ត្រូវតែព្យាយាមធ្វើយ៉ាងណាឲ្យឈ្នះសង្គ្រាមលើរុស្ស៊ីសិន ៕
ប្រែសម្រួល៖ Vann Vann
ប្រភព៖ Daily Mail
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា